19:12 11 Нанҳәа 2020
Ишиашоу ицо аефир
  • USD73.15
  • EUR85.92
Аԥсны
Икьаҿу ахьарԥш аиура
15 0 0

Жәларбжьаратәи аинтеллектуалтә клуб "Диалог" хықәкыс иамоуп акультуратә проектқәа рылацәажәара ахьалыршахо аҭыԥ аԥҵара. Иара еиҿкаауп Аԥсны иҟоу Россотрудничество ахаҭарнакраҿы, 2019 шықәса ԥхынгәымзазы.

АҞӘА, жьҭаара 24 – Sputnik, Асмаҭ Ҵәыџьԥҳа. Жәларбжьаратәи аинтеллектуалтә клуб "Диалог" аиԥылара мҩаԥнагеит жьҭаара 23 рзы Аҟәа, "Музыкально-поэтический диалог в контексте российско-абхазских культурных связей" атемала.

Жәларбжьаратәи аинтеллектуалтә клуб "Диалог" еиҿкаауп Аԥсны иҟоу Россотрудничество ахаҭарнакраҿы, 2019 шықәса ԥхынгәымзазы. Аиҿкаара еиднакылоит Аԥсны аинтеллигенциа рхаҭарнакцәа.

Аклуб алахәылацәеи асасцәеи реиԥылара мҩаԥган иформалмыз аҟазшьа аҭаны. Аԥсни Урыстәылеи рыжәларқәа еидызкыло апоезиа, амузыка аҳра руан ахәылԥаз аҟны. Аклуб асасцәа аԥсшәа раҳәо дырԥылеит Аԥсны Акультура аминистр Ельвира Арсалиаԥҳа.

"Апроектгьы аформатгьы аинтерес рыҵоуп. Сгәы иаанагоит ари иаҭаху усуп ҳәа", - лҳәоит лара.

Ахәылԥаз аадыртит Аҟәатәи амузыкатә ҵараиурҭа артистцәа. Асасцәа азыӡырыҩуан агәыԥ "Аԥсны 67", Славик Амҷба инаигӡоз Владимир Высоцки иашәақәа, иара убасгьы аамҭаказ Аԥсны иаҭаахьаз апоетцәа ражәеинраалақәа. Аурыс поет-футурист Васили Каменски иажәеинраала даԥхьеит Аԥсны иҟоу Урыстәыла ацҳаражәҳәаҩ Алексеи Двинианин.

Аклуб "Диалог" анапхгаҩы Наталиа Каиун иазгәалҭеит аинтеллектуалтә клуб "Диалог" алахәылацәа ишазԥхьагәарҭо абасеиԥш иҟоу аиԥыларақәа рымҩаԥгара, алитература, апоезиа, акультура, аҭоурых уҳәа Аԥсни Урыстәылеи еидызкыло аусмҩаԥгатәқәа рыхцәажәара.

Иара убас шәаԥхьар ҟалоит:

Ихадоу атемақәа