02:31 25 Ажьырныҳәа 2020
Ишиашоу ицо аефир
  • USD61.80
  • EUR68.29
Аԥсны
Икьаҿу ахьарԥш аиура
18 0 0

Жәларбжьаратәи ашьапылампылтә ахәыҷтәы-қәыԥштә турнир "Dagomys Cup" мҩаԥысуан Шәача жьҭаара 23 - 29 рзы.

АҞӘА, жьҭаара 30 – Sputnik, Бадраҟ Аҩӡба. Ахәыҷтәы команда "Нарҭ" ахәбатәи аҭыԥ ааннакылеит ашьапылампылтә турнир "Dagomys Cup" аҿы ҳәа Sputnik Аԥсны иазеиҭеиҳәеит акоманда азыҟаҵаҩ Иракли Кациа.

Атурнир иалахәын ҩ-гәыԥкны ишаз акомандақәа жәаба.

"Актәи атур аан шәачатәи "Жемчужина" ҳацыхәмаруан. Уаанӡа, ҩышықәса рыҩнуҵҟа еснагь риааира ҳалҳаршон, аха сынтәа иҳақәымҿиеит. Ҳхатәы мба ампыл ҭаҳаршәит. Иҟан аҭагылазаашьа бзиақәа, аха иҳақәымҿиеит", - иҳәеит иара.

Аҩбатәи аиԥылараан ашьапылампыласыҩцәа акоманда "Дагомыс" иацыхәмарит 3:0 ҳәа.

"Ахԥатәи ахәмарраан аиааира аагар акәын. Ростовтәи аобласт акоманда "Северсталь" ҳацыхәмаруан. Аԥхьа 2:0 ҳәа аԥыжәара ҳаман аха аҵыхәтәан 6:2 ҳәа ҳаилгеит. Ахԥатәи аҭыԥ аанаҳкылеит агәыԥ аҿы. Лоо акоманда ҳацыхәмарыр акәын, аха дара мааит. Аҵыхәтәаны ахәбатәи аҭыԥ азы ахәмаррахь ҳнеит", - иҳәеит азыҟаҵаҩ.

"Ахәбатәи аҭыԥ азы "Нарҭи" "Дагомыси" еиндаҭлон. Аиааирагьы "Нарҭ" иагеит.

Кациа иажәақәа рыла, ахәбатәи аҭыԥ даара ибзиоуп ҳәа узазҳәом.

Иракли Кациа атәыла ахада иҭабуп ҳәа иеиҳәеит акоманда атурнир "Dagomys Cup" алахәразы афинанстә цхыраара ахьыҟаиҵаз азы.

Иара убас шәаԥхьар ҟалоит:

Ихадоу атемақәа