Гагратәи атхеквондистцәа быжь-медалк ргеит урыстәылазегьтәи атурнир аҿы

© Foto / Тимур БарцицГагратәи атхеквондистцәа быжь-медалк ргеит урыстәылазегьтәи атурнир аҿы
Гагратәи атхеквондистцәа быжь-медалк ргеит урыстәылазегьтәи атурнир аҿы - Sputnik Аҧсны
Анапаҵаҩра
2000-ҩык рҟынӡа аспортсменцәа злахәыз тхеквондо азы Иаарту урыстәылазегьтәи атурнир "Московский вызов 2019" мҩаԥысит ԥхынҷкәын 7 - 8 рзы ЦСКА аспорттә комплекс аҟны.

АҞӘА, ԥхынҷкәын 11 - Sputnik, Бадри Есиава. Гагратәи атхеквондистцәа быжь-медалк ргеит урыстәылазегьтәи атурнир аҿы ҳәа Sputnik акорреспондент изеиҭеиҳәеит азыҟаҵаҩ Ҭемыр Барцыц.

Дара спарринги тули захьӡу ҩ-программак рҟны иқәгылеит. Актәи апрограммаҿ "ахьы" роуит Инал Смыр, Вероника Чакриан, Леонард Кериан, "араӡны" - Полина Ҷыҭанааԥҳа. Аҩбатәи апрограммаҿы – Гьаргь Ҷыҭанаа "араӡны" медал иоуит, Вероника Чакриан – "аџьаз", Леонард Кериан – "аџьаз".

"Аԥснынтәи зынӡа хәҩык аспортсменцәа ыҟан. Иреиҵбыз 10 шықәса ихыҵуан, иреиҳабыз – 15 шықәса. Хҩык азыҟаиҵон Нугзар Торчинава, ҩыџьа – сара", - иҳәеит Барцыц.

© Foto / Тимур БарцицГагратәи атхеквондистцәа быжь-медалк ргеит урыстәылазегьтәи атурнир аҿы
Гагратәи атхеквондистцәа быжь-медалк ргеит урыстәылазегьтәи атурнир аҿы - Sputnik Аҧсны
Гагратәи атхеквондистцәа быжь-медалк ргеит урыстәылазегьтәи атурнир аҿы

Иара иазгәеиҭеит ақәгыларақәа шыуадаҩыз. Изындаҭлоз акыр ишыӷәӷәаз. Аиааира агаразы ирылшо зегьы шрылдыршаз.

Урыстәыла, Аԥсны, Финлиандиа, Израиль, Белоруссиа рҟынтәи 2000-ҩык рҟынӡа аспортсменцәа злахәыз тхеквондо азы Иаарту урыстәылазегьтәи атурнир "Московский вызов 2019" мҩаԥысит ԥхынҷкәын 7 - 8 рзы ЦСКА аспорттә комплекс аҟны.

Иара убас шәаԥхьар ҟалоит:

Ажәабжьқәа зегьы
0