АҞӘА, ԥхынҷкәын 25 – Sputnik, Бадри Есиава. Аҳәаанырцәтәи атәылауаҩра змам ртәанчахәы ашәагаа иалацәажәеит Аминистрцәа Реилазаараҟны.
Ақәҵара рыдигалеит Агәабзиарахьчареи асоциалтә еиқәыршәареи рминистр ихаҭыԥуаҩ Руслан Аџьба.
Адокумент инақәыршәаны, есымза зқьы-зықь мааҭ роулоит шықәсыла ма усуратә шықәсыла иаҵанакуа атәанчаҩцәа. Атәанчаҩцәа - "жәлар…", "зҽаԥсазтәыз аусзуҩ…" ҳәа ахьӡ змоу ирзацлоит 500-500 мааҭ.
Ашахтақәа рҟны аус зуаз атәанчаҩцәа 500 мааҭ рзацлоит, зныҟәгаҩ дызцәыӡыз ахаҿқәа ирзацлоит 700 мааҭ.
Зани заби змам ахаҿқәа 1000 мааҭ рзацлоит. I, II, III агәыԥқәа ирыҵаркуа аинвалидцәа – 1000 мааҭ рзацлоит.
16 шықәса рҟынӡа зхыҵуа, ихәыҷаахыс ихымхәоу, I, II агәыԥқәа ирыҵаркуа – 500 мааҭ рзацлоит. Қәрала ма хымхәарыла атәанчахәы зауа ирзацлоит 850 мааҭ.
Агәабзиарахьчареи асоциалтә еиқәыршәареи рминистрра анапы ианҵоуп аиқәыԥхьаӡа иаҵанакуа атәанчаҩцәа рсиа дырхиарц.
Афинансқәа рминистрра анапы ианҵоуп ашәарацҵақәа 2020 шықәсазтәи абиуџьет аиҿкаараан иазԥхьагәарҭарц.
Иара убас шәаԥхьар ҟалоит:
-
Аџьба: атәанчахәы ацҵаразы аус зуа зегьы аарԥштәуп
