АҞӘА, мшаԥы 7 - Sputnik. Аԥсны аҵакыраҿы раԥхьаӡа акәны акоронавирус зыхьыз ауаҩы дҟалеит. Иара хәажәкыра 29 рзы Москвантәи дааит, аҳәаа дахысит ҳәа Sputnik иазеиҭеиҳәеит Гагра араион ахада инапынҵақәа назыгӡо Владимир Џьениа.
Аԥсны аҵакыраҿы раԥхьаӡа акәны акоронавирус зыхьыз ачымазаҩ Гәдоуҭатәи ахәышәтәырҭа дҭоуп.
Ареспублика аепидемиологиатә маҵзура ачымазаҩ икәша-мыкәша иҟаз ауаа ҭнаҵаауеит.
"Ахаҵа аабаны еихагылоу аҩнаҿы дынхоит. Ҳара уа инхо зегьы рсиа ҟаҳҵеит. Шьыжьнаҵы Аԥсны АҶА аусзуҩцәа асанитартә рыцқьара мҩаԥыргеит. Аҩны ахьчараҿы игылоуп амилициа аусзуҩцәа уахь аӡәгьы дыҩнамларц ма ддәылымҵырц азы. Аҳәаа данахыс инаркны дызныруаз ауаа рышьақәыргылара ҳаҿуп. Ахаҵа Гагранӡа даазгаз атакси арныҟәаҩ ихаҭара шьақәыргылоуп", - еиҭеиҳәоит иара.
Ахаҵа ихы ҽеимкәа ибо далагеит мшаԥы 4 рзы. Абри ашьҭахь ахәышәтәырҭахь днеит.
Аԥсны Агәабзиарахьчара аминистр Ҭамаз Ҵахнакьиа иажәақәа рыла, апациент ахәышәтәырҭахь днаган мшаԥымза 6 рзы.
Иара убас шәаԥхьар ҟалоит:
- Гагра араион аҿы аҭагылазаашьа ҷыда еиҳа ирӷәӷәахоит
-
Аԥсны акоронавирус зыхьыз аӡәы дшьақәыргылоуп
