Алхас Кәыҵниа Аԥсны ахада Иусбарҭа анапхгаҩыс дҟаҵоуп

© Sputnik / Томас ТхайцукАлхас Квициния
Алхас Квициния - Sputnik Аҧсны
Анапаҵаҩра
Аԥсны ахада Аминистрцәа реилазаара аԥхьатәара идкыланы аԥыза-министрс деиҭеит Александр Анқәаб.

АҞӘА, мшаԥы 24 – Sputnik. Аԥсны ахада Аслан Бжьаниа инапы аҵаиҩит апартиа "Амцахара" аԥхьагыла Алхас Кәыҵниа ахада Иусбарҭа анапхгаҩыс иҟаҵаразы Аусдҵа. Абри атәы аанацҳауеит ахада исаит.

Александр Анқәаб  - Sputnik Аҧсны
Александр Анқәаб Аԥсны аԥыза-министрс дҟаҵоуп

"Аԥсны Аҳәынҭқарра ахада Иусбарҭа анапхгаҩыс дҟаҵазааит Кәыҵниа Алхас Алықьса-иԥа", - аҳәоит Аусԥҟа атекст аҿы.

Уи аԥхьа Александр Анқәаб Аԥсны Аҳәынҭқарра аԥыза-министрс дҟаҵазарц аусԥҟа инапы аҵаиҩит атәыла ахада.

Кәыҵниа Алхас Алықьса-иԥа диит 1969 шықәса рзы Аҟәа ақалақь аҿы. Аҟәатәи абжьаратә школ №10 даушьҭымҭоуп. Қырҭтәылатәи асубтропикатә институт далгеит "агроном" изанааҭ иманы. 1992-1993 шықәсқәа рызтәи Аџьынџьтәылатә еибашьра далахәылоуп. "Агәымшәаразы" амедал ианашьоуп.

2005 - 2014 шықәсқәа рзы – Аҟәа ақалақь ахада ихаҭыԥуаҩ.

Дҭаацәароуп. Аԥеи ҩыџьа аԥҳацәеи драбуп.

2019 шықәсазтәи алхрақәа раан кандидатс дықәгылан апартиа "Амцахара" аҟынтәи.

Иара убас шәаԥхьар ҟалоит:

Ажәабжьқәа зегьы
0