Аиааира 75-шықәса ахыҵра ахьӡала маланыҟәала аиԥхныҩлара мҩаԥган Аҟәа

© Sputnik Велопробег посвященный Великой Отечественной войне 1941-1945
Велопробег  посвященный Великой Отечественной войне 1941-1945 - Sputnik Аҧсны
Анапаҵаҩра
Акциа "Сабду аиааиразы ҭабуп ҳәа иасҳәоит" мҩаԥысит Аԥсны иҟоу Урыстәыла Ацҳаражәҳәарҭа, Аԥсны иҟоу Россотрудничество ахаҭарнакра рыдгыларала, жәларбжьаратәи аиҿкаара "Аиааира аволантиорцәеи" Москва Аҩни рлахәыларала.

АҞӘА, рашәара 25 – Алиса Адлеиԥҳа. Аџьынџьтәылатә еибашьра Ду аҟны Аиааира 75-шықәса ахыҵра ахьӡала маланыҟәала аиԥхныҩлара мҩаԥган Аҟәа. Акциа рҽаладырхәит 30-ҩык рҟынӡа ареспублика ауааԥсыра, Аԥсны иҟоу Урыстәыла Ацҳаражәҳәарҭеи, Аԥсны иҟоу Россотрудничество ахаҭарнакреи русзуҩцәа.

Украшение Москвы к параду Победы - Sputnik Аҧсны
"Ахаан иаҳхашҭуам": Ашҭа ҟаԥшь аҿы Аиааира апарад мҩаԥысит

Акциа хацыркын Москва Аҩны аҿаԥхьаҟынтә Москва имҩаԥысуаз Аиааира апарад аамҭа иақәыршәаны.

Акциа "Сабду аиааиразы ҭабуп ҳәа иасҳәоит" алахәылацәа аҭааит 429-ҩык аибашьцәа Агәыӡератәи Рмемориал ахь инеиит, уаантәи Гәылрыԥшь иҟоу 1992-1993 шықәсқәа рзтәи Аԥсны жәлар Рџьынџьтәылатә еибашьраан иҭахаз рбаҟахьы инеиит.

Акциа хыркәшахеит Амҳаџьыраа рыԥшаҳәаҿы иҟоу Кавказ ахьчаҩцәа рбаҟаҟны.

"Раԥхьатәи амаршрут Алада Ешыра иалсны Афонынӡа инаӡон. Аха ари амаршрут амч ӷәӷәа аҭахын алахәылацәа рҟынтәи уи адагьы алахәылацәа рымҩаҿы аԥсыжырҭақәеи абаҟақәеи ыҟамызт азы амаршрут еиҭакын", - иҳәеит Аԥсны иҟоу Россотрудничество анапхгаҩы ицхырааҩ Евгени Павлов.

Аиԥхныҩлара иалахәыз зегь иреиҵбыз 7-шықәса ихыҵуан. Иҟан зымч мхаз, афиниш аҟынӡа изымнаӡаз.

Иҿыцны автоеиԥхныҩлара иалахәхеит жәаҩык рҟынӡа. Егьырҭ алахәылацәа уаанӡагьы иалахәхахьан.

© SputnikВелопробег посвященный Великой Отечественной войне 1941-1945
Аиааира 75-шықәса ахыҵра ахьӡала маланыҟәала аиԥхныҩлара мҩаԥган Аҟәа - Sputnik Аҧсны
Велопробег посвященный Великой Отечественной войне 1941-1945

"Сара исгәаԥхеит. Ҵыԥх аасҭа сынтәа аинтерес ацын. Ауаагьы еиҳа ирацәан", - иҳәеит алахәылацәа руаӡәк.

Акциа ахыркәшамҭаз Москва Аҩны аҿаԥхьа алахәылацәа зегьы аҳамҭақәа рзыԥшын.

"Сабду аиааиразы ҭабуп ҳәа иасҳәоит" ҳәа зыхьӡу маланыҟәала аиԥхныҩлара аантәуп Аԥсны имҩаԥыргоижьҭеи.

Иара убас шәаԥхьар ҟалоит:

 

 

Ажәабжьқәа зегьы
0