160 нызқьҩык инареиҳаны ауааԥсыра аҳәаа иахысит мчыбжьык аҩнуҵҟала

© Sputnik Таможенный контроль на КПП Псоу
Таможенный контроль на КПП Псоу  - Sputnik Аҧсны
Анапаҵаҩра
Уахыки-ҽнаки рыла аурыс-аԥсуа ҳәаа иахысуеит бжьаратәла 30 нызқьҩык рҟынӡа ауааԥсыреи ф-нызқь рҟынӡа атранспорттә хархәагақәеи.

АҞӘА, нанҳәа 8 - Sputnik, Сария Кәарцхьиа. 160 нызқьҩык инареиҳаны ауааԥсыра аурыс-аԥсуа ҳәаа иахысит нанҳәа 1-7 рыбжьара ҳәа Sputnik акорреспондент адырра лылҭеит Шәачатәи аҳазалхратә маҵзура апресс-маӡаныҟәгаҩ Марина Жупанова.

КПП Псоу - Sputnik Аҧсны
Уахыки-ҽнаки рыла аҳәынҭқарратә ҳәаа иахысит 30 000-ҩык

"Аҳазатә гәаҭара мҩаԥгоуп 160 нызқьҩык ахаҿқәеи 32 нызқь инарзынаԥшуа атранспорттә хархәагақәеи рганахьала, Аԥсны Урыстәылеи рҳәаа аҩ-хырхарҭак рыла иахысуаз", - ҳәа агәалҭеит Жупанова.

Атранспорттә хархәагақәа рахьтә 30 нызқь – амашьына ласқәа роуп, 1200 автобусқәоуп, 1300 аидара машьынақәоуп. 

"Аҵыхәтәантәи уахыки-ҽнаки рыла аурыс-аԥсуа ҳәаа иахысит 33 нызқьҩык ауааԥсыреи фбеи бжаки нызқь амашьынақәеи", - ҳәа ацылҵеит Шәачатәи аҳазалхратә маҵзура апресс-маӡаныҟәгаҩ. 

Аурыс-аԥсуа ҳәаа аартын нанҳәа 1 азы.

Уаанӡа Аԥсны Аҳәынҭқарратә шәарҭадара амаҵзура ахаҭарнак Рудольф Цыба Sputnik аҿы имҩаԥысыз апресс-конференциаҿы иҳәеит, иара идыррақәа рыла, нанҳәа 1 инаркны Урыстәылантә Аԥсныҟа иҭалахьоу ауааԥсыра рхыԥхьаӡара 200 нызқьҩык рҟынӡа инаӡоит ҳәа.

Иара убас шәаԥхьар ҟалоит:

Ажәабжьқәа зегьы
0