АҞӘА, нанҳәа 19 - Sputnik. Аԥсны аԥыза-министр ихаҭыԥуаҩ, аекономика аминистр Кристина Озган лыдҵала АУН "Аԥсны аихамҩақәа" адиректорс дҟаҵоуп Арсоу Ҷыҭанаа.
Арсоу Ҷыҭанаа диит цәыббра 29, 1984 шықәсазы Аҟәа араион Ешыра ақыҭан. 2001 шықәсазы далгеит Аҟәатәи абжьаратә школ №4. 2008 шықәсазы ААУ аекономикатә факультет далгеит афинансқәеи акредити рзанааҭ ала.
2016 шықәса инаркны иахьа уажәраанӡа Ростовтәи аҳәынҭқарратә аимадаратә университет аҟны латәарада аҵара иҵоит, "Амҩақәеи, ацҳақәеи, атранспорттә тоннельқәеи рыргылара" афакультет аҟны.
2008 шықәса нанҳәамза инаркны АУН "Аԥсны аихамҩақәа" аҟны економистс аусура дыргеит. 2017 шықәса ԥхынҷкәын инаркны аекономист еиҳабы имаҵурахьы диаган.
Нанҳәа 7 раахыс Аԥсни Урыстәылеи рыбжьара аихамҩатә еимадара еиҭашьақәгылеит. Аҩтәылак ирыбжьаз адәыӷбақәа рныҟәара аанкылан хәажәкыра анҵәамҭазы акоронавирустә чымазара иахҟьаз апандемиа инадҳәаланы.
Иара убас шәаԥхьар ҟалоит:
- Аԥсни Урыстәылеи рыбжьара аихамҩатә еимадара еиҭашьақәыргылахоит
