Тҟәарчал инхо ауааԥсыра рахьтә раԥхьаӡа акоронавирус зыхьыз даадырԥшит

© Sputnik / Евгений Епанчинцев / Амедиаҵәахырҭахь аиасраВрач подписывает пробирку с образцом биоматериала
Врач подписывает пробирку с образцом биоматериала - Sputnik Аҧсны
Анапаҵаҩра
Аԥсны иахьатәи аамҭазы акоронавирус рыдырбалахьеит 384-ҩык. Урҭ рҟынтәи 138-ҩык ргәы бзиахеит, ԥшьҩык рыԥсҭазаара иалҵит.

АҞӘА, цәыббра 4 – Sputnik. COVID-19 раԥхьаӡа акәны идбалоуп Тҟәарчал инхо ауаҩԥсы ҳәа арадио Sputnik иазеиҭалҳәеит Тҟәарчалтәи ахәышәтәырҭа аҳақьым хада Лали Гаргәлиа.

В Гудаутский ковидный госпиталь доставлен аппарат компьютерной томографии (KT).  - Sputnik Аҧсны
Акомпиутертә томограф Гәдоудауҭатәи ахәышәтәырҭахь инагоуп

"Апандемиа иаалагазар аепидемиологиатә ҭагылазаашьа маншәалан иҟан. Аӡәгьы ачымазара идҳамбалацызт. Цәыббра акы азы Тҟәарчалынтәи ицаз астудент ПЦР-анализ COVID-19 агәаҭаразы иҟаиҵеит. Анализ ишьақәнарӷәӷәеит авирус шилоу", - лҳәеит лара.

Цәыббра 2 рзы Тҟәарчалтәи ахәышәтәырҭа аҳақьымцәа ишьақәдыргылеит ичмазаҩхаз дызныруаз ахаҿқәа, урҭ рбиоматериал агәаҭараз Аԥсны Асанепидемстанциахь инарышьҭит. Атестқәа рҭак еилкаахоит цәыббра 4 рзы.

"Апациент иҭаацәа гәаҳҭеит. Атестқәа рҭак иаҿырԥшны аҭаацәара алахәылацәа зныруаз ауаагьы гәаҭахоит. Аиныррақәа зегьы рышьақәыргылара уадаҩуп, аха иахьынӡалшо агәаҭарақәа мҩаԥаагоит", - лҳәеит лара.

COVID-19 зыдбалоу Тҟәарчал инхо ауаҩԥсы москватәи аҵараиурҭақәа руак аҿы аҵара иҵоит.

"Ҳара ачымазаҩ иҭагылазаашьа ҳашьклаԥшуеит. Макьаназы авирус аҟазшьақәа идаҳбалом. Бжьаратәла ахьанҭара змоу ачымазара аҩны ахәышәтәра алшоит", - ҳәа лҳәеит аҳақьым хада.

Иахьатәи аамҭазы Гәдоуҭатәи ахәышәтәырҭаҿы ишьҭоуп COVID-19 шрымоу ззышьақәырӷәӷәоу 30-ҩык апациентцәа.

Акоронавирус иазку ажәабжьқәа шәрыԥхьар ҟалоит абра>>

Ажәабжьқәа зегьы
0