АУН "Аӡыканал" иаанацҳауеит комплексла аӡымҩангагақәа зегьы рыԥсахра ишаҿу, Аҟәа ақалақь аҿы аӡы лассы-лассы идмырцәаларц азы.
АҞӘА, жьҭаара 21- Sputnik. Аӡцрыҵтә еизгарҭа акапиталтә ремонт ахьазыруа иахҟьаны, аԥшьашьа, жьҭаара 22 аҽны Аҳабла ҿыц, "Колос" араионқәа ӡрыжәтәда иаанхоит, абри атәы аанацҳауеит АУН "Аӡыканал".
Иазгәаҭоуп, Аҟәа аӡрыжәтә шаанкылахо асааҭ 00:00 инаркны 14:00 рҟынӡа.
Аӡыҭгагақәеи, аӡеизгарҭақәеи, аӡымҩангагақәеи комплексла рыԥсахра иаҿуп, ҳәа аанацҳауеит АУН "Аӡыканал".
Ажьырныҳәа 12 рҟынӡа Аԥсны аҵаратә усҳәарҭақәа рҿы аҵаратә процесс аанкыларазы знапы аҵаҩу аусԥҟа азы лгәаанагара лҳәеит Sputnik аколумнист Елеонора Коӷониаԥҳа.
Аԥсны иахьаҵанакуа асезонтә еимҳәазы алаҵаҟаҵара иалагеит абҵара 12 рзы. Асанитартә ҳақьым хада иазгәалҭеит алаҵаҟаҵара ашықәс нҵәаанӡа ишымҩаԥысуа.
Аус зымуа акинотеатр аҿы амцакра ҟалеит абҵара 28 рзы. Абылраан аӡәгьы ԥырхага имоуит, амцакра амзызқәа ҭырҵаауеит.
