Леон Сабуа "Краснодари" "Челси"реицыхәмарра далахәхеит

© Foto / Instagram/sabua.teamЛеон Сабуа
Леон Сабуа  - Sputnik Аҧсны
Анапаҵаҩра
20-шықәса зхыҵуа Леон Сабуа – Аԥснытәи шьапылампыласҩуп. 2006 -2012 шықәсқәа рзы Гагра ахәыҷы-қәыԥштә спортшкол аҿы иҽазыҟаиҵон.

АҞӘА, жьҭаара 29 – Sputnik, Бадраҟ Аҩӡба. Аԥсуа шьапылампыл ааӡамҭа Леон Сабуа, аклуб "Краснодар" азы ихәмаруа, "Краснодари" "Челси" реицыхәмарра далахәхеит.

Аԥсны иазыԥшын ачемпионцәа Рлига ахәмарраан рџьынџьуаҩ ашьапылампылтә-дәы дықәлап ҳәа. Ахәмарраз акоманда алахәылацәа рсиа анрыларҳәа актәи ахәмарцәа хадацәа дышрыламшәазгьы аԥхьакцәа рсиаҿы ижәла ҳәан.

Футбольный матч между командами Афон - Гагра - Sputnik Аҧсны
"Риҵеи" "Гагреи" ашьапылампыл азы Аԥсны Ахраҿа афинал ахь инеиит

"Краснодари" "Челси" агәыԥ Е аҿы ихәмаруеит, дара реиԥылара аҟынӡа акомандақәа хәмаррак-хәмаррак мҩаԥыргахьан, еиҭахарылагьы ихдыркәшахьан. Абас ала агәыԥ акомандақәа рыԥшьба очкок-очкок рыман.

Актәи атаим аан англыз хәмарыҩ Каллум Хадсон-Одои иҩыза Хаверц иҟынтәи иоуз ампыл "Краснодар" амбахьчаҩ Матвеи Сафонов инапы иахьысны амба иҭаиршәит. Аҩбатәи  атаим аҿы "Челси" ахәмарыҩ Тимо Вернер пенальти ала  76-тәи аминуҭ азы аҽа мпылк ҭаиршәит. Аҽа-ԥшьминуҭк ааҵуаны Хаким Зиеш икоманда аԥыжәара аиҭеит– 0:3

87-тәи аминуҭ азы ахәмарцәа дрылалеит Леон Сабуа. Иара диԥсахит ажәылаҩ Маркус Берг. Аԥсуа спортсмен изы "Челси" ацыхәмарра дебиуттә хәмаррахеит ачемпионцәа Рлигаҿ. 90-тәи аминуҭ азы Кристиан Пулишич аҽа мпылк ҭаиршәит. 

20-шықәса зхыҵуа Леон Сабуа – Аԥснытәи шьапылампыласҩуп. 2006 -2012 шықәсқәа рзы Гагра ахәыҷы-қәыԥштә спортшкол аҿы иҽазыҟаиҵон. 2012 шықәсазы ашьапылампылтә клуб "Краснодар" Академиа дҭалеит.

Иазыҟаҵаҩ Георги Арутиунов "Краснодари" "Челси" реицыхәмарра аԥхьа Sputnik аинтервиу аҭо иҳәеит Сабуа адәы иқәлара дшазыԥшу.

"Иахьа ахәмарра даламшәаргьы, уи аҩыза алшара ахьиоузгьы акыр иаԥсоуп. Сара, ҳәарада, сахәаԥшуан Урыстәыла ачемпионат аҿы Леон ампыл амба ианҭаиршәыз. Агәра згоит аԥеиԥш бзиа имоуп", - иҳәеит иара.

"Краснодар" ахьчаҩбжа Леон Сабуа Урыстәыла апремьер-лиге  ахәмарра далахәын, ампыл ҭаиршәит "Краснодар" аԥыжәара аҭо.
2020/21 шықәсқәа асезон азы 15 хәмарра дрылахәхахьеит, хә-мпылк ҭаиршәхьеит. Иара убасгьы апрофессионалтә лигаҿ  "Краснодар-3" азы дыхәмаруан.

Ажәабжьқәа зегьы
0