АҞӘА, абҵара 2 - Sputnik. Аҟәатәи аҿкчымазаратә хәышәтәырҭаҿы амедицина аусузҩцәа азхом ҳәа Sputnik иазеиҭеиҳәеит ахәышәтәырҭа аҳақьым хада инапынҵақәа назыгӡо Асҭамыр Гәниа.
"Ҳара ҳҿы уахи-ҽни аҷаԥшьара еиҿкаауп. Иахәҭаны иҟазароуп 15 амедиеҳәшьа" , -иҳәеит иара.
Амедиеҳәшьцәа рыдагьы асанитарцәа рҭахуп, ахәышәтәырҭа аштат иалоу асанитарцәа рықәра дууп азы ҳәа иҳәеит иара.
"Асанитарцәа ракәзаргьы акыр ипроблемоуп. Ара ус зуа реиҳараҩык рықәра 70-80 иҟоуп. Дара аформа рышәҵаны аусура рылшаӡом. 35-ҩык ҳзышьҭоуп. Урҭ зегьы рыхәҭа аҟаҵара уадаҩуп", - иҳәоит Гәниа.
Иара иажәақәа рыла иҟоуп аҩны аҽыхәышәтәра злымшо, иахәҭо ахәшәқәа ззаамхәо ахәышәтәырҭахь ианаарго ыҟоуп.
Иахьазы Аԥсны 4302-ҩык акоронавирус рыхьхьеит, 2314-ҩык ргәы бзиахеит, 42 – рыԥсҭазаара иалҵит.
Акоронавирус иазку ажәабжьқәа зегьы шәрыԥхьар ҟалоит абра>>
