АҞӘА, ԥхынҷ 5- Sputnik. Ажьырныҳәа 2021 шықәсазы Аԥсны ашколқәа рҟны адистанциатә ҵаразы онлаин-платформа алагалахоит, абри атәы иҳәеит жәларбжьаратәи ахәыҷтәы фонд аҵарадырразы аспециалист Рустам Аншба, аҟәатәи абжьаратә школқәа реиҳабцәеи, арҵаҩцәеи, аметодистцәеи реиԥылараан. Абри атәы аанацахуеит Аҟәа ақалақь ахада асаит.
"Адистанциатә ҵаразы онлаин-платформа ахархәаразы арҵаҩцәа зегьы алшара рымазаауеит. Асистема ашьақәыргылара хымԥадоуп. Иаарласны ҳусура хырқәшахоит, ажьырныҳәамза иалагалахоит асистема akalam.org. уаҟа Аԥсны ашколқәа зегьы арбахоит", - иҳәеит Аншба.
Актәи аетап ала арҵаҩцәа, аҭаацәа, ахәыҷқәа зегьы асистемахь анеиразы алшара роуеит, доусы иинформациа уахь ианиҵоит, классцыԥхьаӡа, маҭәарла еихшаны, нас арҵаҩцәеи ахәыҷқәеи авиртуалтә класс ахь иақәшәоит.
Аншба иазгәеиҭеит, аиҿцәажәарақәа шымҩаԥырго амобилтә еимадарақәеи, аинтернет-проваидерқәеи дареи, адистанциатә ҵаразы онлаин-платформа хәыда-ԥсада ахәыҷқәа рзы иҟаларц.
Адистанциатә ҵаразы онлаин-платформа аус адырулоит жәларбжьаратәи ахәыҷтәы фонд аусзуҩцәеи Аԥсны аҵареи абызшәатә политикеи рминистрреи.
Иара убас шәаԥхьар ҟалоит:
- Џьниаԥҳа еиҭалҳәеит Гәдоуҭа араион аҟны онлаин аҵара иахьынӡазыҟаҵоу атәы
-
Аҵара апроблемақәа рыӡбразы: Аԥсны иаԥҵахоит арҵаҩцәа р-Ассоциациа
