10:02 20 Ажьырныҳәа 2021
Ишиашоу ицо аефир
  • USD73.72
  • EUR89.21
Аԥсны
Икьаҿу ахьарԥш аиура
11 0 0

Аԥсны аҩнуҵҟа акриптовалиута аиура аанкылоуп 2021 шықәса рашәара 1 аҟынӡа. Иара убасгьы азин ыҟам ареспубликахь амаининг хархәагақәа ралагалара.

АҞӘА, ԥхынҷкәын 14 - Sputnik. Аԥсны Аҩнуҵҟатәи Аусқәа рминистрра мчыбжьык аҩнуҵҟа 7000 цыра маининг хархәага аҿырхит ҳәа аанацҳауеит аусбарҭа апресс-маҵзура.

"Акриптовалиута аиуразы аусура аҭышәныртәалара ауснагӡатәқәа рзы" ҳәа Аԥсны аиҳабыра рықәҵара анагӡаразы Аԥсны ААР аекономикатә шәарҭадареи акоррупциа аҿагылареи рзы аусбарҭа аусзуҩцәа СОБР ацхырааралеи араионтә фымцанашьҭра аусбарҭақәа русзуҩцәа алархәны мчыбжьык аҩнуҵҟа 6981 ак ахархәага зыҩнагылаз 19 маинингтә ферма русура ааныркылеит", - ҳәа аҳәоит адырраҭараҿы.

Аминистрраҿы ирҳәоит амаининг-фермақәа реиҳарак атәыла араионқәа рҿы уаҩ дахьахым аҭыԥқәа рҿы иқәыргылоуп ҳәа. Аферма дуқәа аус зымуа ааглыхратә обиектқәа рҿы иқәдыргылоит.

Иҟоуп змаининг-фермақәа автономтә трансформаторқәа ирҿазку,а аха иҟоуп ишиашоу азеиԥшхархәаратә фымцамчсистема зҽаԥызшьуа ҳәа рҳәоит азинхьчаҩцәа.

Арҭ аобиектқәа зегьы амилициа ирцәаны асистема иаҿырхуеит.

Аԥсны ААРи АУН "Амшынеиқәафымцамчи" русзуҩцәа есыҽнытәи амониторинг мҩаԥыргоит.

Аԥсны аҩнуҵҟа акриптовалиута аиура аанкылоуп 2021 шықәса рашәара 1 аҟынӡа. Иара убасгьы азин ыҟам ареспубликахь амаининг хархәагақәа ралагалара.

Иара убас шәаԥхьар ҟалоит:

Ихадоу атемақәа