АҞӘА, хәажәкыра 12 - Sputnik. COVID-19 аҟынтәи алаҵа актәи апартиа Аԥсныҟа иаауеит хәажәкыра анҵәамҭазы ҳәа аҳәамҭа ҟалҵеит ареспублика асанитартә ҳақьым хада Лиудмила Скорик Аԥсуа телехәаԥшра аефир аҿы.
Скорик иазгәалҭеит ареспублика алаҵа шазыҭмыжьуа, убри азы Аԥсны алаҵа анашьҭратә график ишаҵанакуа.
"Алаҵа актәи апартиа Аԥсныҟа иаауеит хәажәкыра анҵәамҭазы", - ҳәа лҳәеит лара, абри азы азыҳәа ииасыз ашықәс анҵәамҭазы ишыҟаҵаз азгәаҭаны.
Урыстәыла ахархәара змоу алаҵақәа "Спутник V", "Эпиваккорона" роуп, урҭ рыуа иарбану иаарышьҭуа ҳаздырам ҳәа азгәалҭеит Скорик.
Аԥсны ауааԥсыра рзы алаҵаҟаҵара хәыдаԥсадахоит, ихатәгәаԥхаралахоит.
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13024-ҩык ыҟоуп, ргәы бзиахеит 12440-ҩык, рыԥсҭазаара иалҵит 203-ҩык.
Аԥкыратә уснагӡатәқәа рыҿҳәара мшаԥы 12 рҟынӡа инахоуп.
Иара убас шәаԥхьар ҟалоит:
-
Акоронавирус азы аԥкрақәа мшаԥы 12 рҟынӡа рыҿҳәара иацҵахоит
