Гәылрыԥшь ахада ааԥынтәи аӡхыҵрақәа ишырзыҟаҵоу атәы далацәажәеит

© Sputnik / Томас ТхайцукРека Кодор
Река Кодор - Sputnik Аҧсны, 1920, 22.03.2021
Анапаҵаҩра
Хәажәкыра 20 рзы Аԥсны ахада Аслан Бжьаниа Гәылрыԥшь араион Уарча ақыҭеи Очамчыра араион Аӡҩыбжьа ақыҭеи рҿы аӡиас Кәыдры аҟәара даҭааны игәеиҭеит.

АҞӘА, хәажәкыра 22 – Sputnik, Бадраҟ Аҩӡба. Ашьхараҿы ишьҭоу асы рацәа Гәылрыԥшь араион ақыҭақәа ааԥынтәи аӡхыҵрақәа раан аԥхасҭа ӷәӷәа рзаанагар ауеит, абри атәы арадио Sputnik иазеиҭеиҳәеит араион ахада Аслан Бараҭелиа.

"Аслан Бжьаниа хәажәкыра 20 рзы аҟазауаа ргәаанагарала апроблема рацәа цәырызгар ауа Кәыдры аӡиас ашьҭара аҭагылазаашьа дахәаԥшит Гәылрыԥшь араион аҿы. Сынтәа асы рацәаны илеиит. Мызкы-ҩымз рнаҩс иӡыҭуа иалагоит, асыԥсагь леир ауеит", - иҳәоит иара.

Президент Абхазии Аслан Бжания осмотрел сегодня русло реки Кодор в сёлах Уарча (Гулрыпшский район) и Адзюбжа (Очамчырский район). - Sputnik Аҧсны, 1920, 20.03.2021
Гәылрыԥшьи Очамчыреи рраионқәа рқыҭақәак рҿы аӡхыҵра ҟалар ауеит

Араион ахада иҳәоит аӡиас иаԥну анхарҭақәа рҭагылазаашьа шәарҭахар шалшо.

"Ахада имаз адыррала аҭыԥ ахь днеиит. Кәыдры амшын иахьалало аҭыԥ аҿы абӷанҷ, аҵла дуқәа, агәам-сам еизыҳәҳәаны еиқәыжьуп. Уи хымԥада иқәхны аӡыршьҭра аӡцарҭа аҭатәуп Уарчеи Аӡҩыбжьеи ирԥырхагамхартә", - иҳәоит Аслан Бараҭелиа.

Аԥхаррақәа раани ақәоурашьҭахьи аӡиас аҽеиунажьуеит аԥынгылақәа ахьмаҷу аҭыԥқәа рҿы.

"Хәба-фба шықәса ҵуеит ашьхараҿы асырацәа амуижьҭеи сынтәеиԥш, уи проблемахар ҟалоит ианыԥхаррахалак. Иахәҭоу атехника ыҟоуп, аусура знапы иануҵаша аиҿкаарақәагьы ыҟоуп", - иҳәеит араион ахада.

Реиҳа ишәарҭоу ҭыԥны иҟоуп ақыҭа Уарча.

Атәыла ахада Аслан Бжьаниа изықәнагоу аусбарҭақәа адҵа риҭоит Гәылрыԥшьи Очамчыреи рраионқәа рқыҭақәа Кәыдры иахьрыԥну аҭагылазаашьа ҭҵааны аҩнқәеи амхқәеи аӡхыҵра рԥырхагамхарц азы иҟарҵаша ашьаҿақәа аус рыдыруларц азы.

Аҟазауаа ишырҳәаз ала, ааԥыни аԥхыни иҟалало аӡхыҵрақәа рымшала ааигәа ишьҭоу ақыҭақәа рҿы аҩнқәеи амхурсҭақәеи аӡы рыҵалар ҟалоит. Ианаамҭоу аӡышьҭра рыцқьаны аҟәара дырӷәӷәар, ԥырхага ҟамлар алшоит.

Ажәабжьқәа зегьы
0