03:23 25 Рашәара 2021
Ишиашоу ицо аефир
  • USD72.33
  • EUR86.33
Аԥсны
Икьаҿу ахьарԥш аиура
Аҿкычымазара – акоронавирус Аԥсни адунеи аҿи: иалкаау (1301)
15 0 0

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15314-ҩык ыҟоуп, ргәы бзиахеит 14643-ҩык, рыԥсҭазаара иалҵит 230-ҩык.

АҞӘА, лаҵара 31 – Sputnik. Уажәазы иазгәаҭоуп коронавирустә инфекцииа аҩбатәи ацәқәырԥа аԥсыҽра. Еиҳа имаҷхеит ачымазара змоу ашәҟәы рҭагалара ҳәа арадио Sputnik иазеиҭеиҳәеит аҳақьым Анри Ҟаитан.

"Аха уи еижьагахар ҟалоит. Аҭагылазаашьа аҽаԥсахыр алшоит. Ҳара инагӡаны иаҳзеилкааӡом ачымазара амҩаԥысшьа, аҽеиҭакшьа. Иҟоуп агәаанагара ес-хымз аҽцәырнагоит ҳәа. Аимҳәа иадукылозар, COVID-19 аиммунитет змам зегьы ирмыхьыр шыҟамло еилукаауеит", - иҳәеит иара.

Убри азы, ачымазара аҽацәыхьчараз алаҵаҟаҵара ахәҭоуп ҳәа иҳәоит аҳақьым.

"Алаҵаҟаҵара акәзар ауаа ашәҟәы рҽанырҵо иалагеит. Алаҵаҟаҵарҭатә ҭыԥқәа ирыцҵахар, иҟазҵогьы еиҳахоит. Ауаа дара дара еишьклаԥшуеит. Агәыла, аҩыза, адыр алаҵа аныҟаиҵа хьаа имоузар, уаргьы ишуԥырхагам еилукаауа уалагоит", - иҳәеит Ҟаитан.

Аԥсны иаарԥшу "британиатәи" аштамм акәзар еиҳа иҿкуп ҳәа шахырҳәаауагьы, уи макьаназ еимакуп иҳәеит иара.

"Аҿкырала еиԥшуп, аха иара еиҳа аҽарӷәӷәоит. Акоронавирус ашьҭкаара зылаҟәыз ауааԥсыра рыбжьара аԥсабаратә иммунизациа ахьыҟоу ауп. Ҩынтә ачымазара зыхьхьо рхыԥхьаӡара маҷуп", - иҳәоит аҳақьым.

Авирустә геном аилкааразы аҳақьымцәа иалыркааит ф-биоматериалк.

"Дара зегьы британиатәи аштаммқәа ракәхеит, ус анакәха уи аштамм уажәы ареспубликаҿ аԥыжәара амоуп", - иҳәеит Анри Ҟаитан.

Аԥсны ашәҟәы иҭагалоуп "британиатәи аштамм" ахҭысқәа фба. Абри атәы амедусзуҩцәа Аԥсны аԥыза-министр Александр Анқәаб изеиҭарҳәеит лаҵара 28 азы аусутә еилацәажәараҿ. Иара убасҟан аԥыза-министр иазгәеиҭеит алаҵаҟаҵара хымԥадатәихар шауа.

Акоронавирустә инфекциаҟынтәи алаҵа "Спутник V" 6 500 доза Аԥсныҟа иааргеит мшаԥы 30 рзы. Лаҵара 28 азтәи адыррақәа рыла алаҵа ҟарҵахьеит 976-ҩык.

Атемақәа:
Аҿкычымазара – акоронавирус Аԥсни адунеи аҿи: иалкаау (1301)

Ихадоу атемақәа