11:13 17 Цәыббра 2021
Ишиашоу ицо аефир
  • USD72.43
  • EUR85.36
Аԥсны
Икьаҿу ахьарԥш аиура
15 0 0

Ҟарачы-Черқьессктәи ареспублика анаплакыҩцәа реиҿкаарақәа русура шцо атәы иалацәажәеит, ирҳәеит аԥснытәи рколлегацәа аус рыцура ишазыхиоу.

АҞӘА, нанҳәа 3 - Sputnik. Аԥсны иааны иҟоуп Ҟарачы-Черқьессктәи ААП Аидгыла ахада Диана Хубиева зхадараҿы дыҟоу анаплакыҩцәа рделегациа. Абри атәы аанацҳауеит Аԥсны Ахәаахәҭра-Ааглыхратә палата асаит.

Анаплакыҩцәа арахь иааит ганрацәалатәи аусеицуреи абизнес аусхк аҟны аԥышәаеимдареи рзы. Аԥснытәи аган асасцәа ирзеиҿыркааит абизнес-еиԥыларақәа, иддырдырит аилахәырақәа рхаҭарнакцәа.

Анаплакқәа рахь асасцәа неираны иҟоуп амчыбжь аҩныҵҟа.

Актәи амш азы абизнес центр "Эверест" аҿы имҩаԥысит Аԥсны Ахәаахәҭра-ааглыхратә палата анапхгареи Ҟарачы-Черқьессктәи Ареспублика абизнес-делегациа ахаҭарнакцәеи реиԥылара. Аиԥылара аихшьаалақәа рыла еиҭарыдкылан Аԥсны Ахәаахәҭра-ааглыхратә палатеи Ҟарачы-Черқьесск Ахәаахәҭра-ааглыхратә палатеи рыбжьара аусеицуразы аиқәшаҳаҭра.

Аԥсны иааны иҟоуп Ҟарачы-Черқьессктәи анаплакҩцәа рделегациа

Аԥсны ААП ахада Ҭамила Мерцхәылааԥҳа еиҭалҳәеит Аԥсни Нхыҵ Кавказ Афедералтә округи рыбжьара атауареикәыршара 2021 шықәсазы 1,5 миллион доллар шартәаз. Аԥсни Ҟарачы-Черқьесски рыбжьара акәзар 2020 шықәсазы 150 000 доллар артәеит, 2021 шықәса аԥхьатәи ахәҭазы – 74 000 доллар ҳәа лҳәеит Мерцхәылаа.

Аԥсны ААП ахада илҳәеит аусеицура аиӷьтәразы апалатаҿы аус адыруылеит абизнес-миссиа алахәылацәа рзы апрограммақәа.

Азхьаԥшра ҷыда аҭахоит ҩ-ганктәи атауарқәа рекспорт аҿиара адагьы атуризм ахкқәа – аҭоурыхтә, акультуратә, ареабилитациатә.

ҞЧА ААП ахада Диана Хубиева ҭабуп ҳәа ахылҳәааит ирзыҟаҵаз адкылара бзиазы, убри аан иазгәалҭеит Аԥсны аԥшӡареи асасдкылареи.

Ихадоу атемақәа