Кан Кәарҷиа Аҟәа ақалақь ахада инапынҵақәа рынагӡаҩыс дҟаҵан жьҭаара 21, 2019 шықәсазы. Уи иҭыԥан мшаԥы 30 рзы Беслан Ешба даҭоуп.

Маи акы - Аџьажәлар реимабзиара адунеизегьтәи амш асовет аамҭақәа раан Аԥсны хшыҩзышьҭра аҭаны иазнеиуан. Дшыхәыҷызнатә маитәи апарад зҽалазырхәуаз, анаҩс апарад ақәсра аҵаҩцәа азыҟазҵоз, алозунгқәа ирыԥхьоз Валери Орчыҟәба еиҭеиҳәеит уи ҵакыс иамаз, ишазгәарҭоз атәы.

Дәрыԥшь ақыҭан инхо Игорь Кәарцхьиа арадио Sputnik Аԥсны аефир аҿы еиҭеиҳәеит анхацәа рнапы злаку аусқәа, аҿкы чымазара иахҟьаны иаԥҵоу аԥкрақәа ишрықәныҟәо атәы.

Аԥсны Жәлар Реизара адепутат, Ауааԥсыра акоронавирус рацәыхьчаразы аштаб алахәыла Алхас Џьынџьал арадио Sputnik аефир аҟны еиҭеиҳәеит Аԥсны аҳәаақәа рҟны агәаҭара-аушьҭратә ҭыԥқәа рҿы иақәнагоу ауснагӡатәқәа рымҩаԥгара акоронавирус рацәыхьчаразы ҵакыс ирымоу атәы.

Иахьа 127 шықәса ҵит амилаҭ-хақәиҭратә қәԥара иналукааша аԥхьагыла Нестор Аполлон-иԥа Лакоба диижьҭеи.

Лаҵарамза акы 1934 шықәса рзы аусура иалагеит Тҟәарчалтәи актәи ашахта. Аҳәынҭқарратә наплакы "Тҟәарчалтәи ашахтақәа русубарҭа" аиҳабы Анатоли Џьынџьал арадио Sputnik Аԥсны аефир аҿы еиҭеиҳәеит ари ахҭыс шыҟалаз атәы.

Урыстәыла иахьаҵанакуа ачымазара ҿкы алаҵәара ианалага нахыс зынӡа иаарԥшын 114 нызқь коронавирус хҭыс.

Мшаԥы 30 рзы Аԥсны ахада Аслан Бжьаниа Аԥсны Аҩнуҵҟатәи аусқәа рминистрс дҟаиҵеит Дмитри Дбар, Аҟәа ақалақь ахада инапынҵақәа рынагӡаҩыс - Беслан Ешба, Гагра араион ахада инапынҵақәа рынагӡаҩыс - Иури Хагәышь.

Ҳазҭоу ашықәс жәабран 12 рзы Аҟәа ақалақь Адлеиба имҩаҿы аԥсҟы зкыз иҿаланы иаауаз ацәаҳәахьы диасын, ашьаҟауаҩ длысит, лара аҭыԥ аҟны лыԥсҭазаара далҵит.

Урыстәылатәи аруаа Аԥсны акоронавирус аламырҵәаразы арзҩыдаратә уснагӡатәқәа мҩаԥыргоит Аҟәа, Гәылрыԥшь, Тҟәарчал, Очамчыра араионқәа рҿы.

Михаил Мишустин урыстәылаа ирабжьигеит аҩны иҟазарц, иара ихаҭа аҽыԥхьакра арежим даҵагылоит.

Сақариа еиҿкаау аԥсуаа рхеидкыла аиҳабы Орал Бганба арадио Sputnik Аԥсны иазеиҭеиҳәеит уаҟа инхо ҳџьынџьуаа акоронавирус иахҟьаны аԥкрақәа шырхырго, урҭ ирҭагылазаашьоу.

Абри азы аусԥҟа ануп Аԥсны ахада иофициалтә саит аҟны мшаԥы 30 рзы.

Аԥсны Аҳәынҭқарра ахада Аслан Бжьаниа Гагра араион ахада инапынҵақәа назыгӡо изы аусԥҟа инапы аҵаиҩит.

Аԥсны аҩнуҵҟатәи аусқәа рминистрс дыҟан амилициа аинрал, Аԥсны Афырхаҵа Раули Смыр.

Аԥсны ахада Аслан Бжьаниа иусдҵала ҿыц Аҟәа ақалақь ахада инапынҵақәа назыгӡо даиҭеит.

Аиааира Ду 75 шықәса ахыҵра аҳаҭыр азы арадио Sputnik аусзуҩцәа аиҿцәажәарақәа анырҵоит. Аацы ақыҭа иалҵыз Алықьса Шьаабан-иԥа Цыгәба иеибашьратә мҩа атәы еиҭеиҳәеит иашьа иԥа Игор Цыгәба.

Беслан Бараҭелиа аԥыза-министр Александр Анқәаб изеиҭеиҳәет акоммерциатә банкқәа ироуа анапынҵа ԥара, ҳазхысыз ашықәс абри аамҭа иаҿурԥшуазар, акыр илаҟәит хәа. Убри аан абанкқәа рыклиентцәа аԥара еиҳа еиҳаны иҭыргоит.

Аԥсны аԥыза-министр Александр Анқәаб иӡбрала Аԥсны ауаажәларратә транспорт аусура иалагоит лаҵара 1 инаркны.

Борис Лапин Асовет Еидгыла Амедицинатә ҭҵаарадыррақәа ракадемиа иатәу Аексперименталтә патологиеи атерапиеи ринститут адиректорс дыҟан 30 шықәса инареиҳаны, 1958-1992 шықәсқәа рзы.