Аоперативтә штаб адыррақәа рыла, иахьа акоронавирус азы агәаҭара иахысит 17-ҩык ауааԥсыра.

Галтәи актәи абжьаратә школ аҟны аԥсуа бызшәа арҵаҩы Манана Абыхәԥҳа арадио Sputnik арубрика "Раионк аԥсҭазаараҟынтә" аҿы еиҭалҳәеит ачымазара ҿкы иахҟьаз аԥкрақәа раан лҵаҩцәеи лареи реимадара шыҟоу.

Аџьынџьтәылатә еибашьра Ду иалахәыз лабду Џьотеи уи иашьеиҵбы Ивани Хьециаа рҭоурых ҳзеиҭалҳәеит Sputnik аредактор Наала Хьециаԥҳа.

Агәыҳалалратә фонд амаҵзуратә машьына рӷьычит лаҵара 9 ауха. Амашьына иҭан адиректор ихатәы документқәеи амедицинатә цхыраара иазынархаз амаҭәашьарқәеи.

Аиааира Ду 75 шықәса ахыҵра аҳаҭыр азы арадио Sputnik амҩаԥгаҩцәа аиҿцәажәарақәа анырҵеит. Аџьынџьтәылатә еибашьра Ду аҟны Асовет Еидгыла Афырхаҵа ҳәа ахьӡ ҳаракы иаԥсахаз Варлам Габлиеи аибашьҩы Гьаргь Габлиеи аефир аҟны реибашьратә мҩа дазааҭгылеит Инал Габлиа.

Агәыҳалалратә фонд "Анапы ҳалал" ацхыраара рынаҭоит зус ӡбоуи, урҭ рҭаацәарақәеи, заагарҭа маҷу аҭаацәарақәеи.

Иазгәаҭоуп, ичмазаҩхаз апациентцәа рыбжаҩык акоронавирустә ҿкы иацааиуа аклиникатә ҟазшьақәа рыдубало иҟамызт ҳәа.

Аԥсны агәабзиарахьчара аминистрра акоронавирустә чымазара аҿагыларазы ихәарҭоу амедицинатә маҭәахәқәа аанахәоит.

Гәдоуҭатәи ахәышәтәырҭаҿы ишьҭоу акоронавирус зыдбалоу акурсантцәа рхы шырбо, насгьы урҭ рчымазара аҭаацәа ишрыдыркылаз атәы арадио Sputnik Аԥсны аефир аҿы еиҭалҳәеит ажурналист Анна Гәниаԥҳа.

Аԥсны ахада Аслан Бжьаниа дидышшылеит еицырдыруа ажурналист, аинформациатә агентра "Интерфакс" адиректор хада ихаҭыԥуаҩ Гьаргь Гәлиа иан лыԥсҭазаара дахьалҵыз инамаданы.

Уаанӡатәи асовет ҳәынҭқаррақәа ирхадыршҭуам рыжәларқәа иаадырԥшыз афырхаҵара. Сынтәа Аџьынџьтәылатә еибашьра Ду аҟны Аиааира 75 шықәса ахыҵра даҽакала иазгәаҭатәхеит акоронавирус азы апандемиа иахҟьаны.

Аахыҵ Уаԥстәыла иахьаҵанакуа акоронавирустә инфекциа зыхьыз рхыԥхьаӡара 22-ҩык рҟынӡа инаӡеит, уахыки-ҽнаки рыла даҽа хәҩык ирыдырбалеит.

Аҵыхәтәантәи амшқәа рзы Краснодартәи атәылаҿацә аҟны акоронавирус рыдырбало иалагеит 98-99-ҩык ауааԥсыра ес-уахыки-ҽнаки рзы. Зынӡа Ҟәбина ичмазаҩуп 1929-ҩык.

Аџьынџьтәылатә еибашьра Ду аҿы аӷа аҿагылара изҭоз, уимоу ахацәа гәымшәарыла ираԥызгоз зықьҩыла аҭыԥҳацәа рыхьӡ адыруеит аҭоурых. Иахьа зыӡбахә сымоу аԥсуа ԥҳәызба Ефросиниа Папԥҳа урҭ рыгәҭа дыҟоуп сҳәарцгьы сылшоит. Лара лнапала иҭалырхеит иакымкәа анемец ҳаирпланқәа.

Аӡынаа рҭаацәараҿы иҵәаху, акыр шықәса зхыҵуа ашәындыҟәра аҭоурых, насгьы уи абиԥаракәа ишеимырдо атәы арадио Sputnik Аԥсны аефир аҿы еиҭалҳәеит ҭацас рыҩны иҩнагылоу Белла Ҵәыџьԥҳа.

Иаанкылоу аҩнуҵҟатәи аусқәа рминистрра аусзуҩ ауаҩы аамҭалатәи иԥхьакырҭаҟны аус иуеит, алеитенант ичын имоуп.

Аҟәа араион ақыҭа Гәыма ахада Ҳаџьараҭ Ҭарба арадио Sputnik Аԥсны аефир аҿы еиҭеиҳәеит анхацәа рыԥсҭазаашьа атәы.

Аԥсны иахьаҵанакуа ахәыҷбаҳчақәа, ашколқәа, Аԥснытәи аҳәынҭқарратә университет, Аҟәатәи иаарту аинститут уҳәа русурақәа аанкылоуп акоронавирус алаҵәаразы иҟоу ашәарҭара иахҟьаны.

Алықьса Қриа иашьеиҳабы Володиа Қриа Аџьынџьтәылатә еибашьра Ду аан хабарда дыбжьаӡит. Иахьа уажәраанӡагьы еилкаам иаара дахьеибашьуаз, иӡбахә зҳәо шәҟәыкгьы ыҟам, хабарда дшыбжьаӡыз атәы ада иҭаацәа акгьы рзымаац.

Аџьынџьтәылатә еибашьра Ду анеилгагьы, ирацәаҩӡан зырратә уалԥшьақәа шықәсырацәала ирыцызҵаз аибашьцәа. Урҭ рыԥсы шҭаз атәы ашәҟәқәа рҭаацәа рахь ишаарышьҭуазгьы, измоуз ҟалеит. Убас излахьынҵахаз Мгәыӡырхәа ақыҭатәи Ладикәа Жьибагьы иҭоурых ҳадылгалоит Саида Жьиԥҳа.