Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20780-ҩык ыҟоуп, ргәы бзиахеит 16580-ҩык, рыԥсҭазаара иалҵит 285-ҩык.

Пицундатәи ахәшәтәырҭа ҽынлатәи астационар аҟны аковид ҟәшаҿы аус зуа адефектолог-алогопед Мадина Шамԥҳа арадио Sputnik аефир аҟны еиҭалҳәеит аепидимиологиатә ҭагылазаашьа ауадаҩхара инамаданы ҩаԥхьа аковид-ҟәша шаарту.

Ԥхынгәы 23 рзы Аԥсны иазгәарҭоит Аҳәынҭқарратә бираҟ амш. Сынтәа Аԥсны Аҳәынҭқарратә бираҟ иахыҵуеит 29 шықәса.

Аԥсны ахада Аслан Бжьаниа Ашәарҭадаратә хеилак аилатәара мҩаԥигеит, уа ирылацәажәан аепидемиологиатә ҭагылазаашьеи азинхьчаратә система ареформақәеи рызҵаарақәа.

Краснодартәи атәылаҿацә раионқәак рҿы амаҵа ақыҭанхамҩа аԥхасҭа ӷәӷәа анаҭеит. Изеиԥшроузеи Аԥсны аҭагылазаашьа, иҟоума ашәарҭара амаҵа ҳтәылаҿы алаҵәаразы абри атәы иҳәеит Аԥсны аҵиаақәа ркарантин азы аинспекциа аусзуҩ Анзор Вартагаа.

Аԥсны ачымазараҿкы аԥхынра алагамҭазы акыр аҽышьҭнахит, иахьатәи аамҭазы акоронавирус зцәа иаланы иаадырԥшыз ауаа рхыԥхьаӡара 20431-ҩык ыҟоуп, рыԥсҭазаара иалҵит 284-ҩык.

Аԥсны абанктә система ала 2021 шықәса актәи азыбжазы имҩаԥго аԥаратә еикәыршара амааҭтә еквивалент ала иартәеит 37,3 миллиард мааҭ.

Зышәагаа маҷу аӷбақәа ринспекциа аиҳабы Ҭенгиз Сабуа арадио Sputnik аефир аҿы еиҭеиҳәеит аӡаҿы ашәарҭадара иазырхоу хықәкылатәи апрограмма аус шадулахои, иазԥхьагәанаҭои ртәы.

Аԥсны аҳәынҭқарратә миграциатә маҵзура 2021 шықәса абжьарарбагақәа ҟаиҵеит аусбарҭа аиҳабы Рамин Габлаиеи аԥыза-министр Александр Анқәаби реиқәшәараан.

Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

Аекспертцәа ргәаанагарала адунеитә туризм апандемиа инадҳәаланы иаиуз ацәыӡқәа рышьҭахь иамаз аҩаӡара 2023 шықәсанӡа иазышьақәнамыргылар ҟалоит.

Аԥсны асоциал-економикатә цхырааразы Аинвестициатә программа 2020-2022 азеиԥш ԥаразоужьра 4 миллиард мааҭк артәоит.

Ԥхынгәы 22 рзы ииубилеи азгәеиҭоит аҵарауаҩ, аҭоурыхҭҵааҩ Гәырам Гәымба. Иҭҵаарадырреи иуаажәларратәи усуреи ртәы арадио Sputnik аефир аҿы дазааҭгылеит.

Авольтҳарак цәаҳәа "Аҽгәара" аремонт азы иреиӷьыз аамҭан ЕгрыГЕС анаанкылаз, аусурақәа лаҵара 1 азы ихыркәшазар акәын.

Аԥсны акриптовалиута арҳареи амаининг азы ахархәагақәа ралагалареи рзин ыҟам 2022 шықәса хәажәкыра 31 рҟынӡа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20431-ҩык ыҟоуп, ргәы бзиахеит 16552-ҩык, рыԥсҭазаара иалҵит 284-ҩык.

Аԥсны АҶА ааԥхьара ҟанаҵоит ԥхынгәы 22 инаркы Аԥсны иҟаларц зылшо амшцәгьақәа раан ахыхьчараз иақәнагоу аԥҟарақәа зегьы ирықәныҟәарц. Аҳауагәаҭаратә маҵзура аналитикатә ҟәша аиҳабы Диана Занҭариаԥҳа арадио Sputnik аефир аҿы еиҭалҳәеит узыцәшәаша ыҟоу иҟаму.

Аӡрыжәтә аанкылахоит Имам Шамиль имҩеи Март 4 амҩеи реихысырҭаҿы здиаметр 500 миллиметра иҟоу аӡымҩангага ахьԥжәаз иахҟьаны.

Ушьҭантәи араунд аҿы Амина Аншԥҳа длындаҭлараны дыҟоуп 112-тәи адунеи аракетка ҳәа изышьҭоу Нуриеи Парризас-Диас – Испаниа.

Аԥсуаа ркультураҿы аԥҳәыс иаанылкыло аҭыԥи лара лхаҿра аԥсуа фольклор аҿы аарԥшышьеи ртәы дазааҭгылоит Нарҭдырреи адәынтәи афольклорҭҵаареи рцентр аусзуҩ Есма Ҭодуаԥҳа.