Микрофон  - Sputnik Аҧсны
Арадио

Ахәаҷба иҳәеит Ҭырқәтәыла инхо Фаарықә Ажьиба Дырмит Гәылиа ҳәа дызишьҭоу

© Фото : из личного архива Ирфана АхуачбаИрфан Ахәаҷба
Ирфан Ахәаҷба - Sputnik Аҧсны
Анапаҵаҩра
Адаԥазар инхо аԥсуаа рхатәы бызшәа дырҵаразы акурсқәа еиҿкааны измоу Ирфан Ахәаҷба арадио Sputnik Аԥсны аефир аҿы еиҭеиҳәеит аԥсышәала аԥхьашьа изырҵаз дазусҭоу, насгьы аԥсуа курсқәа рызҵаара аганахьала ақалақьқәа рҟны аҭагылазаашьа зеиԥшроу.
Ахәаҷба иҳәеит Ҭырқәтәыла инхо Фаарықә Ажьиба Дырмит Гәылиа ҳәа дызишьҭоу

"Ҭырқәтәыла иҟоу адиаспора Дырмит Гәылиа еиԥш дҳамоуп ҳәа сыԥхьаӡоит Фаарықә Ажьиба. Иара 80 шықәса инацны ихыҵуеит. Раԥхьаӡа Аԥсны ацара-аарақәа аныҟала, иара ажәытә нбанк иԥыхьашәан, ихала аҩышьа, аԥхьашьа иҵеит. Аԥсшәа акәзар, ҳара ашкол ахь ҳцаанӡа уи ала акәын ҳашцәажәоз, ҭырқәшәала  акәӡам. Аха ҳбызшәала аҩышьеи аԥхьашьеи ҳаздыруамызт. Убасҟан иара ииҵаз саргьы Анкараҟа сцаанӡа анбанқәа сирҵеит. Иџьабаа рацәоуп, деимданы изҭаху зегьы хәыда-ԥсада идирҵоит, убас дҳамоуп. Егьырҭ ақалақьқәа рҟны аԥсшәа здыруа маҷуп, еиҳарак Аԥснынтә иаауа арҵаҩцәа роуп акурсқәа еиҿызкаауа. Сара сеиԥш издыруа Анкара ҳаныҟаз жәохәҩык раҟара ҳаҟан, ақалақьқәа рахь ҳанеиха аамҭа змамыз рацәахеит, иаашьаз ҟалеит, акурс аиҿкаара маҷуп", - иҳәеит Ахәаҷба.

 

Ажәабжьқәа зегьы
0