Микрофон  - Sputnik Аҧсны
Арадио

Бераиа Калининградтәи аобласт аҿы имҩаԥысуаз атурнир иазкны: ҳаспортсменцәа иразҵаауан

© SputnikИгорь Берая
Игорь Берая  - Sputnik Аҧсны
Анапаҵаҩра
Калининградтәи аобласт аҿы имҩаԥысуаз аԥсуа спортсменцәа злахәыз зхы иақәиҭу аиқәԥаразы жәларбжьаратәи атурнир шцаз атәы арадио Sputnik аефир аҿы еиҭеиҳәеит Аԥсны  зхы иақәиҭу аиқәԥаразы азыҟаҵаҩ Игор Бераиа.
Бераиа Калининградтәи аобласт аҿы имҩаԥысуаз атурнир иазкны: ҳаспортсменцәа иразҵаауан

"Атурнир аҿы аԥсуа спортсменцәа рхы бзиан иаадырԥшит. Еиуеиԥшым акатегориақәа рҿы иаанаҳкылеит актәи, аҩбатәи, ахԥатәи аҭыԥқәа. Атурнир даара ибзиан, Европа аҳәынҭқаррақәа рацәаны иҟан, аспортсменцәагьы ӷәӷәан. Аԥсуаа ҳаҷкәынцәа зегьы иреиӷьны иқәгылеит, атәылақәа зегьы рҟынтә ҳхәыҷқәа иразҵаауан. Урыстәыла арегионқәа рҟынтә иҟаз иаҳа иӷәӷәан ҳәа сгәы иаанагоит Литва аҟнытәгьы ибзиан аспортсменцәа, ҳақәԥаҩцәа зегьы ирыцықәԥеит, аԥышәа бзиагьы дырҳаит", - ҳәа азгәеиҭеит Бераиа.   

Жәабран 1 инаркны 3-нӡа Калининградтәи аобласт аҿы имҩаԥысуан Асовет Еидгыла Афырхаҵа Иван Черниаховски  игәалашәара иазку зхы иақәиҭу аиқәԥаразы жәларбжьаратәи атурнир

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

Ажәабжьқәа зегьы
0