01:13 21 Ԥхынгәы 2019
Ишиашоу ицо аефир
  • USD62.87
  • EUR70.79
Алхас Жиба
© Sputnik / Томас Тхайцук

Жьиба: арратә ҵараиурҭа иалго ачҳара ӷәӷәа змоу роуп

Арадио
Икьаҿу ахьарԥш аиура
3410

Азеиԥштә арратә адҵаҟаҵаратә ҵараиурҭа аушьҭымҭацәа рнапаҟны ирыҭан рҵара злахдырқәшаз ала адипломқәа, дара ирыхҵан раԥхьатәи аофицартә хьӡы, абри атәы иҳәеит арадио Sputnik Аԥсны аефир аҿы аҵараиурҭа аиҳабы, амаиор Алхас Жьиба.

"Сынтәа иауҳашьҭыз арԥарцәа иансыдызкылоз сгәалашәоит, арзаҳалқәа 45 иреиҳан: аԥышәара бзиан иазҭаз, иахысыз, изычҳаз, ҭоуба руит. Ԥшьышықәса рышьҭахь 15-ҩык роуп иалгаз. Рхыԥхьаӡара рацәам, аха дара зегьы иреиӷьу роуп, агәаҳәара дуӡӡа змаз роуп. Дара ирыхҵан раԥхьаӡатәи аофицартә хьӡы. Уажәы дара рыԥсы ршьоит, анаҩс рнапы адыркуеит доусы изҵазкуа аусбарҭақәа рҿы русура. Сынтәа иалгаз абжаҩык атәылахьчара аминистрраҿы иаанхоит. Ҳаушьҭымҭацәа ҵарала еибыҭоуп, гәышьымхыла иӷәӷәоуп, аҵараиурҭа ирнаҭаз адыррақәа ирымоу аҿар еизҳауа рааӡараҿы ирыхәоит. Дара агәаҳәара рымазар анаҩс Урыстәыла аҵариурҭақәа рҿы рҵара иацырҵар ҟалоит, аха уи аамҭак-аамҭак амоуп", - ҳәа азгәеиҭеит Жьиба.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Ихадоу атемақәа