Микрофон  - Sputnik Аҧсны
Арадио

Аҩӡба Арвелод Кәыпраа изы: ҳарҵаҩы дызхьымӡаз игәҭакқәа анагӡара ҳуалуп

© Sputnik / Томас Тхайцукаҭоурыхтә ҭҵаарадыррақәа рдоктор Аслан Аҩӡба
аҭоурыхтә ҭҵаарадыррақәа рдоктор Аслан Аҩӡба - Sputnik Аҧсны
Анапаҵаҩра
Зыдунеи зыԥсахыз аҵарауаҩ, академик Арвелод Кәыпраа аԥсуа ҭҵаарадырраҟны илагала, иааԥсара рацәаӡоуп, абас азгәеиҭеит арадио Sputnik аефир аҭоурыхтә ҭҵаарадыррақәа рдоктор Аслан Аҩӡба.
Аҩӡба Арвелод Кәыпраа изкны: иҭҵааратә усумҭақәа хәы змам роуп

95 шықәса дшырҭагылаз иԥсҭазаара далҵит академик, аҭоурыхтә ҭҵаарадыррақәа рдоктор, Аԥснытәи аҳәынҭқарратә университет апрофессор, Ӡиӡариа ихьӡ зху Аҳәынҭқарратә премиа алауреат Арвелод Кәыпраа.

"Арвелод Кәыпраа иџьабаа рацәаӡоуп, 65  шықәса инареиҳаны аҭҵаарадырреи иреиҳаӡоу аҵара арҵареи дазааԥсахьеит. Иара иусумҭақәа ҩ-аамҭакны  еихаҳшар ҟалоит: Аԥсны аибашьра ҟалаанӡа асоветтә аамҭа иаҵанакуаз асоциал-економикатә ҭагылазаашьа, аҿиашьа аҭоурых иаҳа инапы алакын. Аибашьра ашьҭахь аԥсуара, аҵасқәа, аԥсуа жәлақәа ирызкны  еиуеиԥшым аусумҭақәа аԥиҵеит, урҭ руак аԥсуара азҵаарақәа ирызку азы 2009 шықәсазы Ӡиӡариа ихьӡ зху аҳәынҭқарратә премиа даԥсахеит. Иааркьаҿӡаны иуҳәозар, Арвелод Ерасҭ- иԥа иусмҭақәа ухы иаумырхәакәа иара иҭиҵаауаз апроблемақәа узрылацәажәом, иуҳәо зынаӡахом. Арвелод Ерасҭ-иԥа иусумҭақәа хәы змам ракәны иҟоуп, ихы иаирхәоз архивқәа иахьа иҟаӡам, аибашьраан иблын. Иазгәасҭарц сҭахуп Аԥсуаҭҵааратә институт аҟны ҳгәы иҭан 10-томкны иҟоу иусумҭақәа реизга аҭыжьра, урҭ рахьынтә ԥшьба ҭыҵхьеит. Насгьы иара игәы иҭан Аԥсны асовет мчра анышьақәгыла инаркны 60-тәи ашықәсқәа рҟынӡа зҵазкуаз аматериалқәа шәҟәыкны хә-томкны хазы аҭыжьра, урҭ рахьынтә ҳԥа рҭыжьра дахьӡеит. Сгәанагарала ҳарҵаҩы дызхьымӡаз, игәы иҭаз иусқәа анагӡара ҳара иаҳуалуп", - иҳәеит Аҩӡба.

 

Ажәабжьқәа зегьы
0