Аполитикеи, аекономикеи, акультуреи, асоциалтә ԥсҭазаареи ирызку иактуалтәу атемақәа ҳрылацәажәауеит, аимак-аиҿак зхылҿиауа азҵаарақәа шьҭаҳхуеит. "Коӷониаԥҳа лымҩаду"илыцануп ҳаԥсҭазаараҿы иҟалало ахҭысқәа рзы еиуеиԥшым агәаанагарақәа змоу ауаа.
Ацхыраара аҳәара. Агәыразратә фондқәа ҳауаажәлар зрыдҵаало уаҳа ԥсыхәа ахьрымам акәу мамазар шьҭа шьцыларахоу?
Абри имариам азҵаара иалацәажәоит адырраҭара "Коӷониаԥҳа лымҩаду" аҟны Аԥсны анацәа рхеидкыла Аҟәатәи аҟәша аиҳабы Фируза Чамагәуаԥҳаи, агәыҳалалратә фонд "Кьараз" ахаҭарнак Кадыр Аргәыни.
Шәазыӡырҩла Елеонора Коӷониаԥҳа лавтортә дырраҭара.
Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 32-ҩык апациентцәа ҳәа азгәарҭеит аоперштаб аҟны.
Нанҳәа 15 рзы Шәача, Гәбаа адәаҿы имҩаԥысраны иҟоуп абокс азы ашоу Адунеизегьтәи абокс азы ахеилак 58 аконвенциа аҳәаақәа ирҭагӡаны. WBC аверсиала адунеи ачемпион ититул азы еисараны иҟоуп.
Аԥсни Урыстәылеи рҳәаа аадыртит нанҳәа 1 инаркны. Нанҳәа 3 азтәи адыррақәа рыла аҳәаа иахысхьеит 30 000-ҩык ауааԥсыра.
