14:35 07 Ԥхынгәы 2020
Ишиашоу ицо аефир
  • USD72.17
  • EUR81.47

Логәуа арт-пленер "Ҭагалан аԥшшәхәқәа" азы: Аԥсны ӡырнагоит, аҿарацәа аԥышәа рнаҭоит

Арадио
Икьаҿу ахьарԥш аиура
29 0 0

Аԥснытәи аҳәынҭқарратә университет аҟазара аҟәша аиҳабы, асахьаҭыхҩы Нугзар Логәуа арадио Sputnik аефир аҟны иҳәеит ҳтәылаҟны имҩаԥысуа арт-пленер Аԥсны шӡырнаго, асахьаҭыхыҩцәа ҿарацәа рҟазара аизырҳаразы аҵакы шдуу.

Логәуа арт-пленер "Ҭагалан аԥшшәхәқәа" азы: Аԥсны ӡырнагоит, аҿарацәа аԥышәа рнаҭоит

VI Жәларбжьаратәи арт-пленер "Ҭагалан аԥшшәхәқәа. Аԥсны-2019" аатуеит жьҭаара 17 рзы Аԥснытәи аҳәынҭқарратә университет аҟны.

Уи иалахәхоит 20-ҩык рҟынӡа апрофессионалтә сахьаҭыхыҩцәа Урыстәылеи Израильи рҟынтәи, иара убасгьы иалахәхоит ААУ аҟазара аҟәшеи Аҟәатәи асахьаҭыхратә школи рҵаҩцәеи рырҵаҩцәеи.

"Арҭ зегьы еицырдыруа сахьаҭыхыҩцәоуп, адунеи зегьы иакәшоит. Дара ахьынхо ақалақьқәарҟны ианнеилак Аԥсны иҭырхыз русумҭақәа ацәыргақәҵақәа рҟны иӡырыргоит, рыхәгьы ҳаракны иршьоит. Ари Аԥсны азы ипропаганда бзиоуп, избанзар аинтернет аҟны досу рсаитқәа рҿы ианырҵоит. Убасгьы иаҳҭаауа асахьаҭыхыҩцәеи ҳареи аԥышәеимдара аганахьала ҳусеицура акыр аҵанакуеит, ҳаигәныҩуеит. Апленер анаҩсгьы ашықәс аҩныҵаҟа аимадара ҳабжьоуп, ҳара ҳарҵаҩцәа ҿарацәагьы уахь инарԥхьоит. Убас ала аԥышәеимдара ҟалоит, иҟоу аметодика ҿыцқәа ҳрылацәажәоит. Урыстәыла аус зуа асахьаҭыхыҩцәа аиҳараҩык аурыс реалисттә школ атрадициақәа ирықәныҟәоит, даара иӷәӷәоуп уи атрадициақәа, ҳаҭырла ҳрызнеиуеит. Ҳара ҳҟны даҽа знеишьақәак ыҟоуп, аԥштәы аганахьала иаҳа иҿыхоуп, ахақәиҭра ыҟоуп, Мраҭашәаратәи Европа аҿыхынҵа атрадициақәа ҳамоуп",- иҳәеит Логәуа.

Иаҳа инеиҵыху анҵамҭа шәаҳар шәылшоит арадио Sputnik аефир аҟны.

 

Ихадоу атемақәа