"Афестиваль акураторцәа Шьазина Агрбеи Алеқьса Шервашиӡеи иҳадыргалеит ари ашықәс адокументалтә акцент аманы. Ацәыргақәҵаҿы иаарԥшхоит иара еиуеиԥшым ашықәс азы аус ицызуаз ашәҟәыҩҩцәа, арежиссиорцәа, асахьаҭахыҩцәа, ихатә ԥсҭазаара зныԥшуа афотоҭыхымҭақәа. Анаҩс адокументалтә хыҭхәыц иацҵахоит Аурыс театр аҿы Ибрагим Ҷкадуа ифильм ахԥатәи ахәҭала "Ҽнак аԥсҭазаара" ҳәа хьӡыс иаманы. Уаҟа иара аус ицызуаз, иара иҟазара здунеихәаԥшышьа ианырыз еиҭарҳәоит дарбан Фазиль Искандер. Иара Ибрагим афильм аҭыхра иазнеишьа даара аинтерес аҵоуп, избанзар, ихаҭа ибзиан дидыруан, иҩымҭақәа ибзиан идыруеит. Анаҩс Аҟәатәи Ақәыԥшәцәа рыҩны ааӡамҭацәеи ҳареи, есышықәса еиԥш, сынтәагьы имҩаԥаагоит Искандер иҩымҭақәа ирылхны асахьақәа рцәыргақәҵа. Иџьашьатәуп, ахәыҷқәа рсахьақәа ашәыҟәыҩҩы иҩымҭақәа рсиужет ала иаразнак иахьеиқәдыршәо. Ашьҭахь аевкалиптқәа еиҭаҳҳауеит афестиваль алахәылацәа зегьы Аҟәа амшын аԥшаҳәаҿы, Искандер иҩымҭаҿы ишарбоу еиԥш", – ҳәа еиҭалҳәеит Арсалиаԥҳа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
