05:08 24 Жәабран 2020
Ишиашоу ицо аефир
  • USD64.30
  • EUR69.42

Апсихолог Хорааԥҳа: акьыба чымазаҩ иузыҟамҵо азы агәрагара иҭара аԥсам

Арадио
Икьаҿу ахьарԥш аиура
46 0 0

Апсихолог Алиса Хорааԥҳа арадио Sputnik Аԥсны аефир аҿы илҳәеит ауаҩы акьыба чымазара шимоу анеилыикаалак ашьҭахь иԥсҭазаара ӷәӷәала аҽшеиҭанакуа.

Жәабранмза 4 акьыба чымазара иаҿагыланы ақәԥара адунеизегьтәи иамшны иԥхьаӡоуп.

"Ачымазаҩцәа ианрарҳәалак ирыхьуа, шәхәыцрак рхаҿы иааиуеит. Аԥхьа ицәгьахоит адкылара, мап ацәкра рҭаххоит, даҽа ҳақьымк ишьҭалоит…агәамҵра, агәыԥжәара, адепрессиа аҟынӡа инеиуеит, аха аҵыхәтәан ирыдыркылоит уи ачымазара, анаҩс аҽыхәшәтәра иалагоит. Даара имариам ачымазаҩ ихаҿы имҩаԥысуа апроцесскәа. Уи идунеихәаԥшышьа аҽеиҭанакуеит, иԥсҭазаара зегьы. Игәҭакқәа, ихықәкқәа рҽырыԥсахуеит, уи икәша-мыкәша иҟоугьы ирцәыцәгьахоит адкылара, ачымазаҩ еиԥш даргьы шәхәыцрак рызцәырҵуеит. Абри аамҭазы аҽынкылара аҭахуп, ибзианы аинформациа аиура, иаҭаху аҟаҵара, агәкамыжьра, избанзар аԥхьаҟа иаҳзыԥшу зегьы ҽеиӡам ҳәа азнеишьа ииашаӡам. Иара аҭынхагьы еилыикаар ауп ишицәыцәгьоу ачымазаҩ дивагылароуп. Зегьы бзиахоит ҳәа иузыҟамҵо азы агәрагара иҭара иаԥсам, аха иааигәа ушыҟоу иурдырроуп, "иҟазаалак шыҟазаалакгьы ҳаидгыланы ачымазара ҳаҿагыланы ҳаиццар, ҳахьнанаго ҳбап" ҳәа наиаҳәо, игәы ԥсахтәуп. Ачымазаҩ еиԥш аҭынхагьы иҭахуп ацхыраара аҳақьым иҟынтә. Иахәҭаны исыԥхьаӡоит апсихолог иҿы инеины ацхыраара ирҭартә еиԥш", - ҳәа азгәалҭеит Хорааԥҳа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа