03:30 03 Рашәара 2020
Ишиашоу ицо аефир
  • USD68.98
  • EUR76.78

Какоба: ашколхәыҷқәа рыԥсшьарамшқәа еиҭа ианацҵаха, аҵарашықәс анахара ҳақәшәоит

Арадио
Икьаҿу ахьарԥш аиура
47210

Иабанӡаныԥшуа аҵаратә процесс изаамҭанытәим ашколхәыҷқәа рыԥсшьарамшқәа, иацҵахоума аҵарашықәс абри атәы арадио Sputnik Аԥсны ишиашиоу ицо аефир аҿы еиҭеиҳәеит атәыла Арккара аминистр Адгәыр Какоба.

Какоба: ашколхәыҷқәа рыԥсшьарамшқәа еиҭа ианацҵаха, аҵарашықәс анахара ҳақәшәоит

"Аԥсны иқәынхо ажәлар авирус рацәыхьчаразы иҟаҵақәоу ашьаҿақәа зегьы, ииашоуп ҳәа иҳаԥхьаӡоит. Мчыбжьык планла ашколхәыҷқәа ирзаԥҵәаз аԥсшьарамшқәа арахь ҳааханы имҩаԥаагеит, аха аԥкрақәа еиҭа ирыцҵан. Иахьазы, макьана иҳазҳәаӡом аҭагылазаашьа шыҟало, еицәахар аԥсшьарамшқәа еиҭа иацҵатәхоит, усҟан уи аҵаратә процесс, хымԥада ианыԥшуеит. Ҩышыкәса раԥхьа иҟан аҭагылазаашьа ичмазаҩхаз ахәыҷқәа анырацәаха, хымчыбжь рҟынӡа иоушьҭын, анаҩсан аҵаратә процесс ианымԥшыртә еиԥш аҵарашықәс иацҵан. Уажәазы аҭагылазаашьа шыҟоу ала ҩымчыбжь аҵаратә процесс ианыԥшӡом, аха иҵегьы аԥсшьарамшқәа ирыцҵатәхар, усҟан аҵарашықәс арыцхә анахара ҳақәшәоит", - азгәеиҭеит Какоба.       

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа