Микрофон  - Sputnik Аҧсны
Арадио

Габлиа аршәы иазкны: Аԥсны иазхартә аҭыжьра ҳалшоит, аха иҭазгалои ҳареи ҳаиҟарам

© Foto / предоставлено Романом ГаблияРоман Габлия
Роман Габлия - Sputnik Аҧсны
Анапаҵаҩра
Аршәы ҭзыжьуа анаплакы аиҳабы Роман Габлиа арадио Sputnik Аԥсны аефир аҿы еиҭеиҳәеит анаплакы аусура заанкылоу атәы.
Габлиа аԥсуа ршәы азы: Аԥсны иазхартә аҭыжьра ҳалшоит, аха иҭазгалои ҳареи ҳаиҟарам

Ҳтәылаҿы аршәы ҭзыжьуа анаплакы аус ауеижьҭеи шьҭа 17 шықәса ҵуеит. Аԥхьа хкык, аҵәца иҭоу ала ҳалагазҭгьы, уажәы быжьба-ааба хкы рҟынӡа ҳнеихьеит ҳәа азгәеиҭеит Габлиа арадиоефир аҿы.

"Мшаԥымзазы ихацҳаркит аусура, аха иахьатәи аамҭазы ҳаҟәыҵны ҳаҟоуп, Аԥсны иалагалоу аԥкрақәа ирыхҟьаны. Иҳамоу ахәыҷы аалыҵ аҭира ҳаҿуп, аха иара уигьы маҷны ицоит. Аршәы аҟаҵаразы еиҳарак иаҭаху ахши ахәшеи роуп, урҭ Белоруссиантәи иаагоит. Иаадкылааны 17-ҩык анаплакаҿы аус руеит, аха уажәазы дара зегьы аҩны итәоуп. Ауалафахәгьы роуртә еиԥш алшара ҳамам. Ҳара иҳалшоит Аԥсны ахы-аҵыхәа зегьы аршәы азхартә еиԥш аҭыжьра, аха атәылахь иаауа аршәи ҳареи ҳаиҟарам", - ҳәа еиҭеиҳәеит Габлиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

Ажәабжьқәа зегьы
0