04:05 08 Ԥхынгәы 2020
Ишиашоу ицо аефир
  • USD72.17
  • EUR81.47

Қапԥҳа еиҭалҳәеит Аҟәа иазку аблог аиҿкаара зыбзоурахаз

Арадио
Икьаҿу ахьарԥш аиура
2920

Аблогер Жәларбжьаратәи имш аҽны ажурналист, Instagram аҿы Аҟәа аҭоурых еиҭазҳәо Арифа Қапԥҳа арадио Sputnik Аԥсны аефир аҿы еиҭалҳәеит иҷыдоу адаҟьаҿы аҳҭнықалақь аҭоурых аиҭаҳәара аҭахны изылыԥхьаӡаз.

Қапԥҳа еиҭалҳәеит Аҟәа иазку аблог аиҿкаара зыбзоурахаз

"Адаҟьа еиҿыскааит жәабранмзазы. Аидеиа зсызцәырҵызгьы убри ауп, зны ныҟәара иааз агәыԥ аҳҭнықалақь аҭыԥк аҭоурых хыхь-хыхь ашырзеиҭарҳәоз саҳаит, сара уи атема ицәгьамкәа издыруеит аҟнытә, сгәы иамыхәеит. Ажәытәтәи ахыбрақәа, ара инхо ауаа рҭоурых уҳәа - ари даара аинтерес аҵоуп. Сара сыблогерҵәҟьоуп ҳәа сзымҳәозаргьы, исыӡбеит маҷ-маҷ Аҟәа аҭоурых анҵара, схала иҭысхуа афотосахьақәа рҭагалара. Иахьа ирацәоуп шьоукы рҭыхымҭақәа дара рдаҟьаҿы ианыркьыԥхьуа, иара аинтеллектуалтә мазара ҳәа изышьҭоу аӡара сазыразым, убри сацәцарц сҭахуп, уи сацәыхарахарц. Сара исзымдыруа информациа аазгозар, еснагь иаасырԥшуеит иара ахьынтәиаазгаз, сахьаԥхьаз. Аблог иснарҵаз даара ирацәоуп, ҿыц издырыз маҷым. Иаԥхьо еснагь исзырыҩуеит, насгьы дара иазҵаауеит, ирҳәоит Аҟәа ари шыҟаз шԥаҳзымдыруаз ҳәа", - еиҭалҳәеит Қапԥҳа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа