Аԥсны Аконституциатә ӡбарҭа "Аԥсны Аҳәынҭқарра Аконституциахь аиҭакрақәа ралагаларазы "Адепутатцәа рықәратә ценз азы" азакәан апроект, ҷыдала иуҳәозар, аценз 25 шықәса рҟынтә 30 рахь иԥсахзарц азы, Аконституциа 7-тәи ахәҭа аԥҟарақәа ирышьашәалоуп ҳәа иазханаҵеит.
"Апарламент аҿы, сгәаанагарала, иҟазароуп еиҳараҩык аекономистцәеи аиуристцәеи, егьырҭ ыҟамзароуп сымҳәеит, аха урҭ иаҳа ирацәазароуп. Ақәра акәзар, 25 шықәса маҷуп, 30 инаркны 45-50 рҟынӡа аԥышәа змоу, иҟәышу, аекономика здыруа убра иртәазар, убарҭ ҳԥеиԥш рыӡбап ҳәа сгәы иаанагоит. Аҵеицәа рыгәра гатәуп, аха амҩа рызҭаша аиҳабы дрымазароуп. Ҳпарламент аҿы иазыӡырҩлароуп ирыдыркылаз аӡбамҭақәа аус шыруа атәы. Ирыдыркылаз ақәҵара анагӡара ахылаԥшра арымҭошәа сахәаԥшуеит сара, ус анакәха, ирыдыркыло зегьы алҵшәа аиуӡом", - ҳәа азгәеиҭеит Агрба.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
-
Аԥсны Аконституциатә ӡбарҭа адепутатцәа рықәратә ценз ацҵара иазыразхеит
