02:04 28 Жьҭаара 2020
Ишиашоу ицо аефир
  • USD76.46
  • EUR90.36

COVID -19 змоу ачымазаҩ: акоронавирус ыҟаӡам зҳәо ма аҳақьымцәа ирызхәыцааит

Арадио
Икьаҿу ахьарԥш аиура
Ачымазара ҿкы – акоронавирус Аԥсни адунеи аҿи: иалкаау (806)
51100

Арадио Sputnik амҩаԥгаҩ Алхас Манаргиа акороновирус идбалоуп. Иахьатәи аамҭазы иара аҩны дыҟоуп, иҽихәышәтәуеит. Уи игәабзиара зеиԥшроу, насгьы ихәшәтәра шымҩаԥысуа атәы арадиоефир аҿы еиҭеиҳәеит.

COVID -19 змоу ачымазаҩ: акоронавирус ыҟаӡам зҳәо, ма аҳақьымцәа ирызхәыцааит

"Аҳақьымцәа сзасуеит, сҭагылазаашьа еилыркаауеит, есыҽны сшоура сшәоит. Иахәҭоу ахәшәқәа рыла сеиқәшәоуп. Аха иҟоуп хәшәқәак зоура цәгьоу, уи аимҳәа иадҳәалоу роуп. Егьырҭ, антибиотикқәа рзы уадаҩра ыҟам. Иара убас ачымазара шаҟа ауаҩы илачны иҟоу аилкааразы ихадоуп акомпиутертә томографиа аҟаҵара, аха иахьа уажәраанӡа уи Аԥсны иҟаӡам. Аусура изаламгацт. Убри хьааугартә иҟоуп. Сҭаацәа рҟнытә макьана сара аӡәзаҵәык соуп ачымазара зыдбалоу, аха дара џьаргьы иныҟәаӡом. Зегьы аҩны ҳаҟоуп. Афатә аганахьала аԥкра ҳәа акгьы ыҟаӡам, аха еиҳарак аӡы, ачаи, акисельқәа, атәан уҳәа шаҟа ирацәаны иузыжәуа аҟара еиҳа еиӷьуп, уи абжьааԥны ахьҭа анулало аамҭазы еиԥшҵәҟьа. Абри зегьы ажәра ҳаҿуп, ҳчит", - ҳәа еиҭеиҳәеит Манаргиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

Атемақәа:
Ачымазара ҿкы – акоронавирус Аԥсни адунеи аҿи: иалкаау (806)

Ихадоу атемақәа