03:38 03 Ԥхынҷкәын 2020
Ишиашоу ицо аефир
  • USD75.62
  • EUR91.31

Ҭодуа атеатр аусура иазкыз москватәи асеминар азы: апандемиа анаҩс аусеицура ҳалацәажәеит

Арадио
Икьаҿу ахьарԥш аиура
11 0 0

Москва ихыркәшахеит атеатр абзиабаҩцәа, ахәаԥшцәа аус рыцура иазкыз Урыстәылазегьтәи асеминар. Уи иалахәыз Аԥсуа театр актиор, арежиссиор Гәыдиса Ҭодуа еиҭеиҳәеит асеминар аҟны ишьҭыхаз азҵаарақәа ртәы арадио Sputnik аефир аҟны.

Ҭодуа атеатр аусура иазкыз москватәи асеминар азы: аԥышәеимдара акрызҵазкуа хҭысуп

"Амза 8 инаркны 12-нӡа Москва еицырдыруа атеатр РАМТ (Урыстәыла академиатә аҿартә театр) имҩаԥысуан асеминар. Уи апандемиа аамҭазы атеатрқәа русушьа иазкын. Аҭагылазаашьақәа еиԥшым, иҟоуп иаҳа иҭышәынтәалоу атеатрқәа, ауадаҩрақәа змоу. Астол гежьқәа рҟны уи иазкыз еиуеиԥшым азҵаарақәа ҳрылацәажәон, ҳрыхәаԥшуан егьырҭ атеатрқәа рҟны аспектакльқәа, избанзар ашәара ыҟоуп атеатрқәа даҽазны иадыркыр ауеит ҳәа. Асеминарқәа рҟны ҳаибадырит актиорцәа, арежиссиорцәа. Ҳрылацәажәеит атеатрқәа ҳара ҳахь иаартә, ҳара уахь ҳцартә еиԥш алшарақәа. Ишыжәдыруа еиԥш, иҟоуп апроект "Большие гастроли". Уи иҭагӡаны аибадырра ҳабжьалеит. Апандемиа ҳхысыр, Аԥсуа театр агастрольқәа аиуртә еиԥш аҭагылазаашьа ҟалар алшоит", - иҳәеит Ҭодуа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ихадоу атемақәа