03:01 18 Ажьырныҳәа 2021
Ишиашоу ицо аефир
  • USD73.55
  • EUR89.25

Салаҟаиаԥҳа: ҳинститут иамаӡам аӡыргара ахә, ҳфинанстә ҭагылазаашьа уадаҩуп

Арадио
Икьаҿу ахьарԥш аиура
21 0 0

Аексперименталтә патологиеи атерапиеи рыҭҵааратә институт аекскурсиа аҟәша аиҳабы Альдона Салаҟаиаԥҳа арадио Sputnik аефир аҿы еиҭалҳәеит аныҳәатә ԥсшьарамшқәа рзы ҳтәыла иаҭаауа аԥсшьаҩцәа амаамынааӡарҭа азҿлымҳара ахьынӡарҭо атәы.

Салаҟаиаԥҳа: ҳинститут иамаӡам аӡыргара ахәгьы, ҳфинанстә ҭагылазаашьа даара иуадаҩуп

"Ԥхынҷкәын 31 рзы аус ҳуан, ажьырныҳәа аказгьы, иахьагьы аус ҳуеит, аха даара ҳгәы ҳзырхьуагьы ыҟоуп. Егьырҭ аобектқәа ҳахьрыхәаԥшуа ҳара иаҳа ҳаԥсыҽны ҳаауеит. Аԥсшьаҩцәа рхала иаауа ҳара ҳахь иааиуеит, аха абри агәыԥқәа еиҿкааны, анкьа ишҳамаз еиԥш, 40-50 -ҩык ыҟам. Агәыԥқәа ҳбаӡом зынӡа. Сырзасуан, срыҳәон, афирмақәа ауаа ҳзаарышьҭларц, ҳаргьы ҳаобект, ҳәарада, ҳацклаԥшлароуп, уи аус наҳагӡоит. Ҳинститут иамаӡам аӡыргара ахәгьы, ҳфинанстә ҭагылазаашьа даара иуадаҩуп, ацхыраара ҳҭахуп", - еиҭалҳәеит Салаҟаиаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

Ихадоу атемақәа