06:55 14 Мшаԥы 2021
Ишиашоу ицо аефир
  • USD77.25
  • EUR91.92

Амҷба аҭыԥантәи алхрақәа рзы: атәылауаҩшәҟәы змам ргәы иалоуп, уи иахьалахәым

Арадио
Икьаҿу ахьарԥш аиура
11 0 0

Гал араион аҭыԥантәи ахаланапхгараҭаратә усбарҭақәа алхрақәа рахь акандидатцәа ашәҟәы рҭагаларазы аус шеиҿкаази, абжьыҭаразы шаҟаҩы азин рымоуи ртәы арадио Sputnik аефир аҿы еиҭеиҳәеит араион алхратә комиссиа ахантәаҩы Игорь Амҷба.

Раионк аԥсҭазаараҟынтә: Амҷба Гал араион аҿы алхрақәа рымҩагара иазкны

"Аԥсны аҩныҵҟатәи аусқәа аминистрра иаҵанакуа апаспортә визатә ҟәша иаанашьҭаз асиала 872-ҩык алхыҩцәа ҳамоуп. Алхрақәа мҩаԥгахоит зегьынџьара, аха иҟоуп ақыҭақәак аӡәык ҩыџьак рыда атәылауаҩшәҟәы змоу ахьнымхо, убарҭ ақыҭақәа еицҵаны, алхратә закәан излаҳәо, алхырҭатә ҭыԥқәа ҟаҵоуп. Адепутатцәа рхеилак ахь 11-ҩык алырхраны иҟоуп. Уаанӡа иҟан 25-ҩык. Аҵыхәтәантәи адепутаттә алхарақәа араион аҿы имҩаԥган 2009 шықәса рзы. Уажәы алхрақәа мҩаԥысран ахьыҟоу аҭыԥқәа еилкаауп, аха дара макьана еиқәшәам, уигьы ари амчыбжь нҵәаанӡа еиқәыршәахап ҳәа ҳгәы иаанагоит", - еиҭеиҳәеит Амҷба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Ихадоу атемақәа