07:41 27 Ԥхынгәы 2021
Ишиашоу ицо аефир
  • USD74.10
  • EUR87.32

Адлеиба отаԥтәи аҳаԥы аҭааҩцәа рзы: сынтәеиԥш ауаа рацәаны иҳамбацызт

Арадио
Икьаҿу ахьарԥш аиура
25 0 0

Абраскьыл иҳаԥы аиҳабы Асҭамыр Адлеиба арадио Sputnik аефир аҿы еиҭеиҳәеит сынтәа русура шеиҿкаау, насгьы ирҭаауа ауааԥсыра рхыԥхьаӡара ахьынӡанаӡо.

Адлеиба отаԥтәи аҳаԥы аҭааҩцәа рзы: сынтәеиԥш ауаа рацәаны иҳамбацызт

Арҭ амзақәа рзоуп атуристцәа еиҳарак еиҳаны ианҳауа, мышкы 40-70 рҟынӡа ауаа анааиуа ыҟоуп ҳәа азгәеиҭеит Адлеиба аиҿцәажәараҿы.

"Сынтәа ҳаҽҳарҭбааит. Амагәқәа иҳамаз рхыԥхьаӡара иацаҳҵеит, ртәарҭа-ргыларҭа иаҳа иҳарҭбааит. Ҵыԥх ачымазара иахҟьаны аԥсшьаҩцәа маҷын, аха сынтәеиԥш ауаа рацәа иҳамбацызт. Аҳаԥы ашьҭахь изҭаху аԥацхахь инеиуеит. Аԥсуа чыс рыдаагалоит. Афатә бзианы иҟазҵо ауаа ҳамоуп. Арыжәтәгьы бзиоуп. Избоит, ҵыԥх-ҵыԥхцәа иҟаз еиҭа ауаа рыман иаауеит, убри ала иуҳәар ҟалоит аԥхьаҟа еиҭа ацлара шыҟало, аихаҳара шыҟало, ауаа шырацәахо", - ҳәа иҳәеит Адлеиба.

Абраскьыл иҳаԥы аиҳабы иҳәеит иара убас асанитартә нормақәагьы иахьынӡарылшо ишрықәныҟщо.

Инеиҵыху аиҿцәажәара шәазыӡырҩыр шәылшоит аудиофаил аҿы.

Ихадоу атемақәа