АРЕПАТРИАЦИА

15 шықəса раҧхьа зҭоурыхтə ҧсадгьыл лабҿаба избаз Ҳасан Быҭəба, иахьа ихы-игəы дақəгəырҕьо дынхоит иабдуцəа рџьынџь дгьыл аҿы.

Ҭырқəтəыла еиҿкаау Аԥсуа Федерациа аиҳабы Аҭанур Аҟəысба дазааҭгылоит иара напхгара зиҭо аусбарҭа ҳазҭагылоу аамҭазы изхаҵгыло, аус здыруло азҵаарақəа ртəы.

Ҭырқəтəыло инхо ҳдиаспора ахаҭарнакцəа Урыстəыла Амш аныҳəа идырныҳəалеит Сҭампыл иҟоу Аконсул хада Андреи Поделышев.

Амҳаџьырра Аԥснынтәи иагаз ҳхылҵшьҭрақәа рахьтә зықəрахь инеихьоу абыргцəа есымша рылаԥш хаа ҳхын, иаҳхуп иахьагьы. Убас, згәыбылра есымша иҳаду, зажəа акрыԥхылнадоз иреиуаз Ҭалиаҭ Аҭрышба Аԥсны дааны даныҟаз Сырма Ашәԥҳа илеиҳәаз ажәа ҟәышқәа, ажәа мҩақәҵагақәа, иԥсадгьыл азы имаз агәҭахәыцрақәа шәыдылгалоит лматериал аҟны.

Амҳаџьырраан иӡыз акәылӡтәы ԥара́́ атехника ссир ҩышә шықәса инарзынаԥшуа рышьҭахь Аԥсныҟа ишыхынҳәыз атәы ҳзеиҭалҳәоит Асида Кәыҵниаԥҳа.

Лаҵарамза 7-8 рзы Ҭырқәтәылатәи аԥсуа делегациа Нхыҵ-Кавказтәи аиашьаратә республикақәа ирҭааит.

Сақариа аԥсуаа рхеидкылаҿы имҩаԥысит аҳәса анапҟазацәа рцәыргақәҵа "Аҩычага".

Занааҭла инџьныру ҭырқәтәылатәи ҳџьынџьуаҩ, Сҭамԥыл ақалақь аҿы инхо Есаҭ Ахба ихатәы бызшәа идыруеит, аԥсуарагьы акыр дазҿлымҳауп, Аԥсныҟагьы даахьеит, иара дазааҭгылоит иабдуцәа атәым дгьыл ахь ишықәнагалази, уаатәи иԥсҭазаареи.

Арҭ амшқәа рзы Германиантәи Аԥсны иаҭааны иҟоуп ҳџьынџьуаа гәыԥҩык. Урҭ дрылоуп аҟабарда ҭыԥҳа Дижьлеи Марзеи. Ишәыдаагалоит Sputnik акорреспондент Сырма Ашәԥҳа уи илызкны ианылҵаз аматериал.

Ҳџьынџьуаҩ Бурџьу Амҷԥҳа лҭаацəеи лареи Аҧсны рыҟазаара атəы Сырма Ашəԥҳа ланҵамҭаҿы.

Арҭ амшқәа ирылагӡаны Ҭырқәтәыла иԥшаауп зыхабар еилкаамыз аԥсуаа ахьынхо аҭыԥқәа. Убри инамаданы Sputnik акорреспондент Сырма Ашәԥҳа диҿцәажәеит Аԥсуа Федерациа аиҳабы Аҭанур Аҟәысба.

Ауаажәларратә усзуҩ Октаи Ҷкотуа арадио Sputnik Аԥсны аефир аҟны дигәалаиршәеит Ҭырқәтәылатәи аԥсуа диаспора иналукааша ахаҭарнакцәа иреиуоу Ирфан Аргәын. Еицырдыруа ҳџьынџьуаҩ диижьҭеи иахьа 85 шықәса ҵит.

Аҧсадгьыл ахь ахынҳәразы аминистрреи Аҧсны Аҵареи аҭҵаарадырреи рзы аминистрреи рыбжьара аиқәшаҳаҭра анапы аҵаҩуп. Иазԥхьагәанаҭои ари аиқәшаҳаҭра, иарбан зҵаарақәоу иаӡбарц иалшо - абри атәы арадио Sputnik иазеиҭеиҳәеит Аԥсны Арепатриациазы аминистр Беслан Дбар.

Аԥсны ахада иалхрақәа инарымаданы Ҭырқәтәыла абжьыҭара амҩаԥгара хымԥадатәиума? Абри азҵааразы адырраҭара "Коӷониаԥҳа лымҩаду" аҟны игәаанагара иҳәеит ауаажәларратә усзуҩ, Аҷандара ақыҭа ахадас иҟаз Витали Џьениа.

Ҳаԥхьа ишьҭоу Аԥсны ахада иалхрақәа аҳәаанырцә инхо ҳџьынџьуаа ралархәра қьарс иалоузеи, хықәкыла Ҭырқәтәыла уаанӡагьы имҩаԥыргахьоу абжьыҭира хымԥадатәиума? Абри азҵааразы адырраҭара "Коӷониаԥҳа лымҩаду" аҟны игәаанагара иҳәеит "Жәларбжьаратәи афонд Аԥсны" ахада Сонер Гогәуа.

Шьамтәыла ииз ҳџьынџьуаҩ Шьараф Маршьан Sputnik иеиҭаз аинтервиу аҟны еиҭеиҳәеит Голантәи аҳаракырақәа иахьрыҵаркуа иҟаз аԥсуа қыҭа Мумсие игәыбылра заду.

Аԥсадгьыл ахь архынҳәразы аминистрреи Ажурналистцәа реидгылеи Аԥсны АИХ рзы аицлабра еицымҩаԥыргоит 2017 шықәса раахыс.

Аԥсадгьыл ахь архынҳәразы аусбарҭа еиҿкаауижьҭеи 26 шықәса ахыҵра иазку аныҳәатә еиԥылара мҩаԥган Аҟәа, хәажәкыра 25 рзы. Ари арыцхә инамаданы, Аԥсны жәлар Рџьынџьтәылатә еибашьра аветеранцәа - аԥсуа диаспора ахаҭарнакцәа 75-ҩык амедалқәа ранаршьеит. Аиԥылара далахәын Аԥсны Ахада Рауль Ҳаџьымба.

Аԥсны Аԥсадгьыл ахь архынҳәразы аминистр Беслан Дбар, аилак аԥҵара 26 шықәса ахыҵра инамаданы иеиҿкааз аиԥылараҿы иазгәеиҭеит ҳдиаспора ахаҭарнакцәа ҳтәыла аҩнуҵҟатәии адәныҟатәии аполитикаҿы иҷыдоу аҭыԥ шааныркыло.

Аԥсны Арепатриациазы аусбарҭа 26 шықәса ахыҵра инамаданы гәыԥҩык ҳџьынџьуаа иранашьан Аԥсны Аџьыџьтәылатәи еибашьра амедальқәа. Атәыла ахада Рауль Ҳаџьымба иажәахә аҿы иазгәеиҭеит Аԥсны аргылараҿы ҳџьынџьуаа хәы змаӡам алагала шыҟарҵо атәы.