Самсон Ҷанба ихьӡ зху аԥсуа драматә театр актриса Изольда Арухаа лажәақәа рыла атеатр лҽазкны даламгаӡеит, лхы ԥылшәарц ауп дшалагалаз.
"Атеатр сҽазкны саламгаӡеит сара, иҟоуп ихәыҷы аахыс уи иазхьаауа, сара Роман Сабуа иабжьгаралоуп атеатртә институт ахь сшьаҿа шеихызгаз, уи аахыс аамҭа рацәа цеит, 35 шықәса сыԥсҭазаара атеатр иадҳәалоуп", — ҳәа лҳәеит Изольда Арухаа.
Аспектакль алагамҭаз, ҩнуҵҟала аҽазыҟаҵара аҭахыуп, ухы-уԥсы адҵаны уазнеироуп.
"Асценахь сцәырҵра аамҭа ааиаанӡа, ацәажәареи алафи сҽацәхьакны ҩнуҵҟала сҽазыҟасҵоит, раԥхьатәи актиор асцена данынақәла инаркны уи даманы ицоит", — ҳәа азгәалҭеит лара.
Аинформациатә маҵзура Sputnik Аҧсни Аԥсны акультуреи аҭоурыхтә-культуратә ҭынха ахьчареи рзы рминистрреи еиҿнакааит авидеопроект ҿыц "Атеатри аԥсҭазаареи". Иара хацыркыуп хәажәкыра 27 рзы, ари амш Жәларбжьаратәи атеатр иамшуп азы. Аҧхьаҩ раҧхьаӡа акәны алшара имазаауеит аҳәынҭқарра иреиҳаӡоу атеатрқәа хҧа — Самсон Ҷанба ихьӡ зхыу адраматә театр, Аурыс драматә атеатр, Аҿар ртеатр, рыҧсҭазаара агәылалара, атеатр апроблемақәеи аихьӡарақәеи актиор хадацәа рҟынтә аилкаара.
