14:11 23 Жьҭаара 2019
Ишиашоу ицо аефир
  • USD63.80
  • EUR70.96
Авидеонҵамҭақәа

Апроект "Атеатри аԥсҭазаареи" иацылҵоит Аԥсны зҽаԥсазтәыз артистка Роза Дбарԥҳа

Икьаҿу ахьарԥш аиура
"Атеатри аԥсҭазаареи" (18)
27 0 0
© Sputnik / Илона Хварцкия Рада Ажьиԥҳа

Аԥсны зҽаԥсазтәыз артистка Роза Дбарԥҳа Sputnik иазеиҭалҳәеит амузыкатә ҵараиурҭа ааныжьны атеатр ахь лымҩахыҵра шыҟалази, актиортә ԥсҭазаара дшыхнахзи ртәы.

Аԥсны зҽаԥсазтәыз артистка Роза Дбарԥҳа атеатр ахь лнеира лгәалашәо илҳәоит, амузыкатә ҵараиурҭа ааныжьны атеатр ахь дааит ҳәа.

"Ашкол саналга ашьҭахь сҭалеит амузыкатә ҵараиурҭа, аҩбатәи акурс аҟны сыштәаз Нелли Ешба ҿыц еиҿылкааз актиортә студиахь актиорцәа алылԥшаауан, ус сара разҟыс исымазар акәхарын, Нелли Ражден-иԥҳа иалылхқәаз сархыԥхьаӡалахеит. Атеатр аҟны сахьааиз, ахан ду сызҵаԥшыз уамакала исгәаԥхеит, насгьы актиорцәа дуқәа реизыҟазаашьа, рыхәмаршьа, рыуаҩшьа абри зегьы сыхнахит, аҵараиурҭа ааныжьны атеатр ахь сааит", — ҳәа лҳәоит актриса.

40 шықәса инареиҳаны зыԥсҭазаара атеатр иадызҳәалаз Роза Дбарԥҳа иналыгӡахьо арольқәа рацәоуп, аха иалылкаауа, лгәы ззыбылуа арольқәа рацәам.

"Раԥхьатәи сыспектакль Баграт Шьынқәба иҩымҭа "Ахра шкәакәа" аҟны  Ҟәараса лроль акәын, аха зегь реиҳа исықәҿиеит ҳәа исыԥхьаӡоит, иахьанӡагьы аԥхара сыцуп "Агага" аҟны апринцесса лроль ахаҿсахьа", — ҳәа азгәалҭеит Дбарԥҳа.

Аинформациатә маҵзура Sputnik Аҧсни Аԥсны акультуреи аҭоурыхтә-культуратә ҭынха ахьчареи рзы рминистрреи еиҿнакааит авидеопроект ҿыц "Атеатри аԥсҭазаареи". Иара хацыркыуп хәажәкыра 27 рзы, ари амш Жәларбжьаратәи атеатр иамшуп азы. Аҧхьаҩ раҧхьаӡа акәны алшара имазаауеит аҳәынҭқарра иреиҳаӡоу атеатрқәа хҧа — Самсон Ҷанба ихьӡ зхыу адраматә театр, Аурыс драматә атеатр, Аҿар ртеатр, рыҧсҭазаара агәылалара, атеатр апроблемақәеи аихьӡарақәеи актиор хадацәа рҟынтә аилкаара.


Атемақәа:
"Атеатри аԥсҭазаареи" (18)

Иҵегь авидео

Ихадоу атемақәа