Очамчыра араион Аракьаҿы ақыҭан инхо Едуард Кесиан хәышықәса ирықәуп абаҳчамаахыр ааӡара инапы алакуижьҭеи.
Едуард Кесиан абаҳчамаахыр аарыхра далагеит хышә-шьап рыла, иахьазы 1200 шьапы имоуп. Аргәыцқәа ианаамҭоу х-тоннак рҟынӡа рыҟәшәоит.
Абаҳчамаахыр еиҳарак изыҟәшәо аҳәса роуп. Ҽнак 300 кьыла рҟынӡа еизыргоит, кьылак аҟәшәаразы 25 минуҭ аҭахуп. Абаҳчамаахыр кьылак 150 мааҭ иаԥсоуп. Абжьахәаахәҭыҩцәа 200-250 мааҭ ҳәа ирҭиуеит.
Хылҵшьҭрала Ҵабалаа иреиуоу, забацәа забдуцәа амҳаџьырра иахҟьаны Ҭырқәтәылаҟа ихҵәаз, аха зыԥсадгьыл аҿы диртә, дааӡартә разҟыс изауз Елиф Аргәынԥҳа лҭоурых ажурналист Сырма Ашәԥҳа ланҵамҭаҿы.
Аԥсны Апарламент ахь аиҭалхрақәа шьақәгылеит ауаа рааишьа инақәыршәаны, асааҭ 18:00 рызтәи Алхратә комиссиа хада иаанацҳаз адыррақәа рыла. Алхратә ҭыԥқәа адыркуеит асааҭ 20:00 рзы.
Аԥсны Жәлар Реизара - Апарламент ахь алхрақәа шьақәгылеит ҳәа иԥхьаӡоуп зыбжьы азҭо атәылауаа рахьтә 25% инареиҳаны абжьыҭара рхы аладырхәызар.
