01:30 25 Лаҵара 2020
Ишиашоу ицо аефир
  • USD71.88
  • EUR78.44
Адунеи аҿы
Икьаҿу ахьарԥш аиура
Аџьынџьтәылатә еибашьра ду аҟны Аиааира 75 шықәса ахыҵра (62)
14 0 0

Акциа алахәхаразы арзаҳалқәа рыдыркылоит лаҵара 9 асааҭ 15:00 рҟынӡа, онлаин-мҩасра арбара иалагоит асааҭ ҩба рзы москватәи аамҭала.

АҞӘА, лаҵара 8 - Sputnik. Авиртуалтә мҩанысра "Ԥсра зқәым архәҭа - онлаин" аиҿкааҩцәа ражәақәа рыла, ҩ-миллионки шә-нызқьи рзаҳал роухьеит акциа алахәхаразы.

Изҭаху зегьы анкета хадырҭәаауеит абарҭ аресурсқәа рҿы: акциа асаит аҟны, Одноклассники, ВКонтакте, Аҵәахырҭатә банк асаит рҟны.

"Аинтернет ала акциа амҩаԥысра ауеит ианалага инаркны Урыстәыла Ԥсра зқәым архәҭа асаит, Жәларбжьаратәи Ԥсра зқәым архәҭа асаит, онлаин-кинотеатр "Окко" рҟны. Ара иазыԥхьагәаҭоуп авидео шьҭахьҟа иргьыжьны иуҭаху аветеран архәҭа далахәны ибара", - ҳәа еиҭеиҳәоит Урыстәылазегьтәи ауаажәларратә еиҿкаара "Урыстәыла Ԥсра зқәым архәҭа" ацхантәаҩ Сергеи Макаров.

Лаҵара 9 ашьҭахьгьы онлаин-мҩанысра арбара алшоит.

Лаҵара 9 рзы арбара рхы аладырхәуеит: Море.тв, Ivi.ru, РИА Новости асаит, амаҵзура Sputnik асаит.

Атехникатә еиқәыршәара еиҿнакааит Аҵәахырҭатә банк.

Апроект аиҿкааҩцәа ируаӡәку, Аҵәахырҭатә банк анапхгара ахантәаҩы Станислав Кузнецов иажәақәа рыла, иара есыҽны алахәылацәа ирызҳауеит, мчыбжьык аҩныҵҟала алахәхаразы ҩ-миллионк инарзынаԥшуа арзаҳалкәа аашьҭуп.

Зветеран ипрофиль хазырҭәааз дарбанызаалак аелектронтә ԥошьҭахь изынарышьҭуеит даныддырбо аамҭа азырбо ашәҟәы.

Апроект апартниор Mail.ru Group адыррақәа рыла, активла акциа рхы аладырхәуеит аиҳабацәа реиԥш аҿаргьы: аҭааҩцәа рыхәҭак 21 шықәса иреиҳам роуп.

Апроект аус ауеижьҭеи иаԥҵоуп ацәаҳәа ҷыда (аҭел 8-800-20-1945-0). Онлаин акциа аиҿкааҩцәа роператорцәа 130-ҩык 15 нызқь ҭел рҭак ҟарҵахьеит. Аиҳарак ауаа зызҵаауаз акциа ишалахәхашеи аветеран изы аинформациа шырыԥшаашеи роуп. Аиҿкааҩцәа ирыцхраауеит 3700-ҩык рҟынӡа аволонтиорцәа.

Лаҵара 9 рзы онлаин-мҩанысра арбара азыԥхьагәаҭоуп Урыстәыла амедиаекран дуқәа рҿы, москватәи аметро аекранқәа рҿы, телеканалқәак рҿы. Иара убасгьы амҩанысра абара алшоит асоциалтә ҳақәа ВКонтактеи Одноклассники рҿы.

Иара убас шәаԥхьар ҟалоит:

Атемақәа:
Аџьынџьтәылатә еибашьра ду аҟны Аиааира 75 шықәса ахыҵра (62)

Ихадоу атемақәа