АҞӘА, рашәара 15 - Sputnik. COVID-19 аҟынтәи алаҵа "Спутник V" аҩбатәи адоза аҭахым ауаҩы алаҵаҟаҵара ашьҭахь акоронавирус шьҭикаазар. Абри атәы аанацҳауеит РИА Новости Роспотребнадзор адыррақәа шьаҭас иҟаҵаны.
"Абри аан аҩбатәи адоза аҭахым", - рҳәоит аусбарҭа апресс-маҵзураҿы.
Акоронавирус аҟынтә алаҵаҟаҵара аламҭалаз анализқәа аҭахым, ихадароу уи амш азы ухы бзианы иубозар ауп. Аҳақьым ашьақәыӷәӷәара ишәоит, ашоура ишәоит, аԥынҵа ахәда рҭагылазаашьа гәеиҭоит ҳәа рҳәоит аусбарҭаҿы.
"ПЦР-тест ма ацәеижьҿагыларатә тест аҭара дасу ишиҭаху ауп", - азгәарҭоит Роспотребнадзор аҿы.
Аусбарҭаҿы ирҳәеит алаҵаҟаҵара иахьатәи аамҭазы иаку ҿагылароуп акоронавирус азы. Убри аан акраҵанакуеит аԥхын алаҵа аҟаҵара, ҭагалан-аӡынтәи ОРВИ, аимҳәа уҳәа егьырҭ аҿкчымазарақәагьы рҽырцәыхьчаразы.
Урыстәыла ашәҟәы иҭагалоуп COVID-19 азыԥхьагәазҭо алаҵақәа ԥшьба.
Аԥсны алаҵаҟаҵара мҩаԥыргоит "Спутник V" ала лаҵара 11 аахыс.
