Аԥсны ахада Рауль Ҳаџьымба 57 шықәса ихыҵит

Президент республики Абхазия Рауль Хаджимба. Архивное фото.
Президент республики Абхазия Рауль Хаджимба. Архивное фото. - Sputnik Аҧсны
Анапаҵаҩра
НовостиTelegram
Аԥсны Ахада Рауль Ҳаџьымба диит 1958 шықәса, хәажәкыра 21 азы, Ҭҟәарчал ақалақь аҟны.

АҞӘА, хәжәк 21 – Sputnik, Бадраҟ Аҩӡба. Рауль Ҳаџьымба иирамш азгәеиҭоит ҭаацәашәала, иҳәеит Аԥсны Ахада иабжьагаҩ Владимир Занҭариа.

"Аҳәынҭқарра Ахада иира мшы инеиҵыхны иазгәеиҭаӡом, абжьааԥны еиԥш аҩны ҭаацәашәала имҩаԥигоит, иирамш идырныҳәаларц имҩахыҵуеит иҩызцәа", — азгәеиҭеит Занҭариа.

Рауль Ҳаџьымба ақырҭуа-аԥсуа еибашьраан Мрагыларатәи афронт арратә ԥшыхәра деиҳабын. Иааирԥшыз агәымшәаразы ианашьан Леон Иорден. Аибашьра ашьҭахь Аԥсны аҳәынҭқарратә шәарҭадаратә усбарҭа деиҳабын. 1998 инаркны 1999 шықәсанӡа Аҳәынҭқарратә ҳәаахьчаратә маҵзура аиҳабы ихаҭыԥуаҩыс дыҟан. 1999 шықәса инаркны 2001 шықәсанӡа аус иуан Аԥсны Ашәарҭадаратә усбарҭа аиҳабыс, аԥыза-министр ихаҭыԥуаҩсгьы. 2002-2003 шықәсқәа рзы Аԥсны Атәылахьчара аминистрс дыҟан.

Рауль Ҳаџьымба Жәлар Реизара адепутатс аус иуан, апартиа "Аԥсны жәлар ракзаара афорум" хадара азиуан, Аԥсны Ахада ихаҭыԥуаҩс аус иуан.

2014 шықәса, нанҳәамза 26 рзы имҩаԥысыз алхрақәа рҟны аиааира иган, Аԥсны Аҳәынҭқарра Ахадас дҟалеит.

Ажәабжьқәа зегьы
0