АҞӘА, хәжәк 30 — Sputnik. Иашар Догу ихьӡ зху зхы иақәиҭу ақәԥаразы Сҭамԥыл имҩаԥысуа жәларбжьаартәи атурнир аҟны 57 кьыла рҟынӡа зыкапан ыҟоу рыбжьара аԥсуа спортсмен Рустам Амԥар аџьаз медал даиааит. Абри атәы Ҭырқәтәыла иҟоу Аҧсны ахаҭарнакра аиҳабы Инар Гыцба Sputnik акорреспондент иаиҳәеит.
Уи аԥхьа атурнир аҟны дықәԥон 74 кьыла рҟынӡа зыкапан иҟоу аԥсуа қәԥаҩы Денис Царгәыш, иара агран-при даиааит. Денис Царгәыш – адуние хынтә дачемпионхахьеит, Лондон имҩаԥысуаз Олимпиатәи ахәмаррақәа рҟны аџьаз даиааихьеит.
Олимпиатәи ачемпион Иашар Догу ихьӡ зху, зхы иақәиҭу ақәԥаразы 43-тәи жәларбжьаратәи атурнир Сҭамԥыл, аспорттә комплекс Аҳмеҭ Џьомерҭ аҟны хәажәкыра 28 инаркны 29-нӡа имҩаԥысуан. Атурнир аҟны рхы аладырхәит 300-ҩык аспортсменцәа, 21 тәыла рҟынтә.
