Гагра ақалақьуаа Идырым асолдаҭ ибаҟа амҵан ашәҭ шьыҵәрақәа шьҭарҵеит

© Фото : Тимур КовеГагра ақалақьуаа Идырым асолдаҭ ибаҟа амҵан ашәҭ шьыҵәрақәа шьҭарҵеит
Гагра ақалақьуаа Идырым асолдаҭ ибаҟа амҵан ашәҭ шьыҵәрақәа шьҭарҵеит - Sputnik Аҧсны
Анапаҵаҩра
НовостиTelegram
Гагра араион анаԥхгареи, аҭыԥантәи ауааԥсыреи, ақалақь иаҭааз асасцәеи ашәҭ шьыҵәрақәа шьҭарҵеит Идырым асолдаҭ ибаҟа амҵан.

ГАГРА, лаҵ 9 — Sputnik, Саида Жьиԥҳа. Идырым асолдаҭ ибаҟа аҿаԥхьа Аиааира 70 шықәса ахыҵра инамадан имҩаԥган ашәҭ шьҭаҵара, еизаз зегьы аибашьра зхы ақәызҵаз аҵеицәа ргәаладыршәеит минуҭктәи аҿымҭрала. Анаҩс абаҟа амҵан имҩаԥган амитинги ацәаҳәа анысреи.

Гагра араион анаԥхгара аветеранцәа амедалқәеи аҳамҭақәеи ранаршьеит

Аныҳәатә усмҩаԥгатә иалагӡаны ашколхәыҷқәа алархәны имҩаԥган акциа "Ԥсра зқәым аполк". Ахәыҷқәа Аџьынџьтәылатә еибашьра Ду иалахәыз рабдуцәеи урҭ рабацәеи рфотосахьақәа кны амҩа хада ианысит.

Агәырӷьаратә митинг ааиртит Гагра араион Ахадара аиҳабы Беслан Барцыц. Иара аибашьра аветеранцәеи еизаз ажәлари ирыдиныҳәалеит Аиааира Ду 70 шықәса ахыҵра.

"Ҳаҭыр зқәу аветеранцәа! Акыр иаԥсоу ажәлар! Егьа шықәсы рацәа ҵыргьы ҳабацәеи ҳабдуцәеи иаадырԥшыз ахаҵареи агәымшәареи ахаан хашҭра аиуам. Ҳара ҳтәылауаагьы ари аибашьраҿы хьӡи-ԥшеи ргеит" — иҳәеит Аиааира амш рыдныҳәало ақалақь ахада.

"Аџьынџьтәылатә еибашьра аветеранцәа рхыԥхьаӡара ессаира имаҷхоит. Иахьа ҳагәҭа иалагыланы аныҳәа азгәарҭоит 43-ҩык аветеранцәа. Дара зегьы ибзианы ирдыруеит аибашьра хлымӡаахи иацыз агыгшәыгреи. Абри аҭоурых амш аҽны иҭабуп ҳәа шәасхәоит Аиааира ҳзаазгаз", — азгәеиҭеит иқәгылараҿы Беслан Барцыц.

11 677–ҩык Гагра араион ахаҭарнакцәа афронт ахь ицеит, урҭ рахьтә 2 252-ҩык аибашьра рхы ақәырҵеит. Зықьҩык инареиҳаны иранашьоуп аибашьратә орденқәеи амедалқәеи. Иреиҳаӡоу ахьӡ Асовет Еидгыла Афырхаҵа иаԥсахеит Гагра араион ахаҭарнакцәа Ражден Барцыц, Иасон Кокосқьериа, Арутиун Мелетиан, Мигран Бостанџьиан, Витали Попков иакәзар, ҩынтә ари ахьӡ даԥсахеит.

Аибашьра ду Нарманиа Серапион - Sputnik Аҧсны
Аветеран Серапион Нарманиа: ахәцәа ршьа аӡиас арҟаԥшьит

Аибашьра ашықәсқәа раан афронт ацхыраара арҭон анхацәа зегьы. Дара еизыргон афатә, ашәҵатәы, аԥара. Гагратәи агоспитальқәа рҿы амедицинатә цхыраара роуит 200 нызқьҩык аибашьцәеи акомандаҟаҵаҩцәеи.

"Шәҿаԥхьа ҳхырхәоит ҳаҭыр зқәу аветеранцәа! Шәгәымшәареи шәфырхаҵареи ҿырԥштәыс иганы шәара шәаамышьҭахь еиҵагылаз абиԥара ирыхьчеит Аԥсны. Ҳара иаҳуалԥшьоуп иахьа изызҳауа аҿар Аԥсадгьыл ахь абзиабара рылааӡара, ҩ-еибашьрак зхызгаз афырхацәа рыӡбахә рзеиҭаҳәара" — ҳәа иажәахә аҟны иазгәеиҭеит Гагра араион арратә комиссар Дмитри Ҳагба.

Традицаиала ишаԥу еиԥш аофициалтә усмҩаԥгатә ашьҭахь Гагра араион ашколхәыҷқәа, аветеранцәа иранаршьеит агәаларшәагатә ҳамҭақәа. Анаҩс Гагра араион анаԥхгара Аџьынџьтәылатә еибашьра аветеранцәа аарыԥхьеит абанкет ахь.

"Иҭабуп ҳахьышәхамшҭуа, еснагь ҳганахь агәцаракра ахьаашәырԥшуа. Ахә шәшьа, ишәыхьча ишәзааҳгаз Аиааира Ду!" — ҳәа аҿар ирабжьалгеит аветеран Александра Иванова.

Амитинг ашьҭахь еизаз зегьы  рҟазарала идыргәырӷьеит  ашәаҳәаратәи акәашаратәи коллективқәа. Убас асценаҿы иқәгылеит ашколхәыҷқәагьы.

Аиааира Ду 70 шықәса ахыҵра ахьӡала еиҿкааз аусмҩаԥгатә рџьабаа адуп Гагра араион анаԥхгареи араион акультура аҟәшеи.

© Фото : Тимур КовеРуководство Гагры и общественность возложили цветы у памятника Неизвестному Солдату
1/3
Руководство Гагры и общественность возложили цветы у памятника Неизвестному Солдату
© Фото : Тимур КовеРуководство Гагры и общественность возложили цветы у памятника Неизвестному Солдату
2/3
Руководство Гагры и общественность возложили цветы у памятника Неизвестному Солдату
© Фото : Тимур КовеРуководство Гагры и общественность возложили цветы у памятника Неизвестному Солдату
3/3
Руководство Гагры и общественность возложили цветы у памятника Неизвестному Солдату
1/3
Руководство Гагры и общественность возложили цветы у памятника Неизвестному Солдату
2/3
Руководство Гагры и общественность возложили цветы у памятника Неизвестному Солдату
3/3
Руководство Гагры и общественность возложили цветы у памятника Неизвестному Солдату
Ажәабжьқәа зегьы
0