Аиааира ду амш аҽны, маи 9 рзы, шәҩыла аҳҭнықалақь ашколхәыҷқәа Аҟәа, Ахақәиҭра ашҭа иқәланы акәашаратә шоу мҩаԥыргеит. Ашколхәыҷқәеи ахәыҷтәы хореографиатә ансамблқәа рылахәцәеи акәашаратә ҟазара ҳаракы аадырԥшит. Аибашьратә ашәақәа рмелодиақәа рыла еиуеиԥшым акәашарақәа ддырбеит ахәыҷқәа, алезгинкәашареи, абреик-данси уахь иналаҵаны.
Ари афлешмоб иахәаԥшырц еизеит шәҩыла ауааԥсыра. Ахәаԥшцәа еиҳарак ргәы иахәаны иазгәарҭон иқәыҩуаз амузика, зегь бзиа еицырбо ашәақәа "Прощание словянки", "Синий Платочек", "Катюша", "День Победы".
Акәашаҩ қәыԥшцәа ражәақәа рыла, урҭ рықәгылара рзыркит рабдуцәеи, урҭ рабацәеи, Аиааира агара иалахәыз аветеранцәа.
