Ашкол аушьҭымҭацәа рзы аҵыхәтәантәи аҵәҵәабжьы геит

© Sputnik Илона ХварцкияПоследний звонок. Фото с места события.
Последний звонок. Фото с места события. - Sputnik Аҧсны
Анапаҵаҩра
НовостиTelegram
Аԥсны ашколқәа рҟны аҵыхәтәантәи аҵәҵәабжьы иадҳәалоу аныҳәа мҩаԥысит.

АҞӘА, лаҵ 28 – Sputnik, Асҭанда Арӡынԥҳа. Аҵарашықәса анҵәамҭа амш азгәаҭара ашколқәа зегь рҟны имҩаԥысит иахьа. Аушьҭымҭацәа рзы игеит аҵыхәтәантәи аҵәҵәабжьы.

Аҟәатәи ажәабатәи абжьаратә школ адиректор Лариса Барцыцԥҳа лажәақәа рыла, ашкол аушьҭымҭацәа урылагәырӷьартә иҟоуп.

Ауаажәларратә палата: аушьҭымҭатә хәылԥазықәа аҵаҩцәа ирзааныжьтәуп - Sputnik Аҧсны
Ауаажәларратә палата: аушьҭымҭатә хәылԥазқәа аҵаҩцәа ирзааныжьтәуп

"Ҳара ҳашкол сынтәа 92-ҩык аҵаҩцәа алгеит. Урҭ рыбжьара иҟоуп ашколтә олимпиадақәеи егьырҭ еиуеиԥшым аконкурсқәеи рҟны аиааирақәа згаз. Аушьҭымҭацәа аӡәырҩы иреиҳау аҵараиурҭақәа ирҭалахьеит. Ҳара ҳаушьҭымҭацәа ҳгәы рыладууп, агәыӷра ҳамоуп ҳаԥхьаҟагьы ҳашкол ахьӡ ҭыргалап ҳәа", — лҳәеит Лариса Барцыцԥҳа.

Ишьақәгылахьоу атрадиуиа ала, ашкол иреиӷьу аҵаҩы, ахьтәы медаль аиура зылшо Қьаазым Кәыр-иԥа Аԥсны абираҟ ашьҭыхра идырҵеит. Ашколхәыҷқәа иара убас рҟазара аадырԥшит амилаҭтә кәашрақәа рынагӡараҿы.

Аныҳәатә цәаҳәа анхыркәшаха ашьҭахь, аушьҭымҭацәа рзы игеит аҵыхәтәантәи аҵәҵәабжьы.

Ашкол аушьҭымҭа Селма Ҵәыџьԥҳа иазгәалҭеит, ари амш лара лзы ацәаныррақәа маҷымкәа ишацу.

"Ари аныҳәа агәкаҳара ацуп, сара сыкласс аҿы итәоуи арҵаҩцәеи гәхьаазгалоит. Жәеиза шықәса рыла ҳара акыр ҳаишьцылеит. Иахьа ҳгәы иҭоуп ари ам аԥсабарахь ҳцаны иаҳхаагарц. Анаҩс ҳхәыцрақәа зегьы аԥышәарақәа рахь ихазаауеит. Сара исҭахуп Аԥснытәи аҳәынҭқарратә университет аиуристтә факультет сҭаларц", — лҳәеит Селма Ҵәыџьԥҳа.

Аԥсны Аҵареи аҭҵаарадырреи рминистрра адыррақәа рыла, сынтәа ашколқәа ирылгоит 2032-ҩык аҵаҩцәа.

Ажәабжьқәа зегьы
0